AIJAN: 22

Cara

Madalas, makakasakit talaga tayo ng mga tao na hindi natin inaasahan. Minsan o madalas, by choice. Ngunit meron din naman na, hindi natin sinasadya ngunit kinakailangan.

Kailangan, kasi alam nating mayroong mga bagay na mas nakabubuti para sa kanila o maging para sa mga sarili natin.

Kailangan, kasi may mga bagay na doon tayo mas sasaya, at hindi sila iyon ang makakabigay sa atin. At hindi rin tayo ang makakabigay ng mga bagay na mas higit na makabubuo sa kanila.

Kinakailangan natin sila minsang bitiwan, upang mas makita nila na may mga bagay pa na mas mahalaga at importante sa atin na pwede nilang matagpuan. Mga bagay na hindi nila makita, dahil nakaharang tayo. Mga bagay na mas may halaga sa atin, na mas karapat dapat para sa kanila.

Nakakasakit tayo ng mga taong mahal natin, pati na rin ng mga taong mahal tayo dahil kasama iyon sa buhay. Kailangan nating masaktan upang matuto. Ngunit tayo ay nakakasakit din, para matuto. Magkaiba man ang pinagdaan, ang mahalaga parehas na mayr