END

AMIRA

NATATAWA AKO habang pinapanood si Yñigo na tinuturuan ni inay ng tamang pagsuot ng diaper kay baby Alonzo. Seryosong seryoso ang mukha nya at napapakunot noo pa. Napapakamot pa sya ng ulo dahil medyo may kalikutan na si baby Alonzo.

Napangiwi naman ako ng medyo dumiin ang sipsip ni baby Ynna sa utong ko. Matapos kong padedehen si baby Alonzo ay sya naman. Kung noong una ay halos mangiyak ngiyak ako kapag nagpapadede sa kanilang kambal dahil masakit. Pero ngayon ay nasasanay na ako. Ang suhestiyon kasi ni doctora ay mas mainam kung magpapabreastfeed ako. Makakabuti yun sa kambal. Mas masustansya ang gatas ng ina kesa sa formula.

"Ah ganun lang ho pala yun." Tumatangong sabi ni Yñigo.

"Pero lagi mo ring titingnan ang diaper nila kung puno na o may dumi na. Hindi komportable ang baby kapag ganoon dahil naiirata sila kaya iiyak sila." Paliwanag ni inay.

Dahil sa wala pa kaming alam ni Yñigo kung paano ang tamang pagaalaga ng baby ay matiyaga kaming tinuturuan ni inay at nila mana