Chapter 26

Reen

ISANG malalim na paghinga ang aking napakawalan habang nagre-reply sa mensahe ni Kuya Marv sa akin. 

Bukas na ang kaarawan ni Maro. Kaya ito, tamang remine na naman sa akin si Kuya. 

Teka, remine? Remines? Ah, bahala nga 'yan!

Napahikab ako matapos kong mai-send sa kanya ang tinipa kong mensahe. Alas-tres na ng hapon. At papasok pa lang ako sa trabaho pero ang enerhiya ko ay pang uwian na.

Ewan ko ba pero wala talaga ako sa mood ngayon. Para bang mas gusto ko na lang humiga sa maghapon. Paano ba naman, simula kagabi ay hindi na nagparamdam sa akin ang Asher na 'yon. Kahit isang text lang, wala.