Chapter 61

"It's like a dream!" usal ni Abigail nang nasa kuwarto na siya at inaayos ang mga gamit niya. Tinutupi niya ang mga ito pagkatapos ay ilalagay sa kaniyang maleta. Tapos na ang isang gabi at isang araw na usapan nila ni Axis. Babalik na sila sa realidad kung saan hindi talaga sila okay ng binata. Kailangan na nilang bumalik sa totoong mundo nilang dalawa.

At kahit na labis ang kirot na nararamdaman niya ay pilit na iniignora niya ito. Dahil siya naman ang nagsabing kailangan nilang maghiwalay. Alam niyang hindi mabubura ni Axis ang tungkol kay Faith. Pero ang gusto lamang niya ay mawala na ang galit sa puso nito. Dahil kapag hindi nito ginawa iyon ay mananatili pa ring anino nito ang nakaraan. Hahabulin pa rin nito ang binata at kapag tinanggap niya ito ay isa pa rin iyon sa pagmumulan ng away nilang dalawa.

"Okay lang, Abby, kung kayo ang para sa isa't isa ay gagawa ang tadhana para magkatuluyan kayo," bulong niya sa kaniyang sarili. Pero napasigok pa rin siya at napahinto sa pagtupi