Kabanata 18

Pumunta sina Claire at ang kanyang pamilya sa Kempinski upang maghapunan habang si Wendell ay nagtatampo sa kanilang bahay.

Nakita niya ang pahayag sa official page ng Emgrand Group, siya ay malungkot at matamlay.

Akala niya na imposibleng makakuha ng kontrata si Claire, ngunit sa hindi inaasahan, kalahating oras lamang ang kailangan niya upang makakuha siya ng animnapung milyong dolyar na kontrata.

Sa sandaling ito, tumawag si Harold upang magreklamo sa kanyang sitwasyon. Sinabi niya sa sandaling may sumagot sa tawag, “Hoy, Wendell, anong meron! Tapat akong gumawa ng pagkakataon para sa iyo upang ligawan ang aking pinsan, pero tinalikuran mo ako at tinulungan siyang kumuha ng kontrata sa Emgrand. Paano mo nagawa sa akin ‘to?”

Umiling si Wendell nang mapanghamak. ‘Ano? Wala akong ginawa!’

Nagtanong uli si Harold, “Wendell, maging tapat ka sa’kin. Nakipagtalik ka ba sa pinsan ko?”

Sa parehong oras, masyadong mapapahiya si Wendell kung tatanggi siya na wala siyang kinalaman sa lahat ng ito. Ang ibig sabihin ay inaamin niya ang kanyang pagiging walang silbi, hindi ba?

Kaya, binulong niya nang nahihiya, “Oo. Harold, patawad, babawi ako kung may pagkakataon.”

“Sabi ko na nga ba!”. Nag buntong-hininga si Harold, at mabilis na tinanong, “Wendell, birhen pa ang pinsan ko, hindi ba? Sa tingin ko ay hindi pa siya nakikipagtalik sa talunan na ‘yon. Naka jackpot ka, swerte ka!”

Napanganga si Wendell sa gulat pagkatapos ay nasabik.

Ayos! Birhen pa si Claire!

Eh di, pwede niyang sabihin sa lahat na nakipagtalik na siya kay Claire, sa ganitong paraan, mailalayo niya rin ang relasyon sa kanyang asawa.

Habang umiikot ang tusong isipan sa kanyang utak, humagikgik siya nang pakipot at sinabi kay Harold, “Oo, birhen pa ang pinsan mo. Sobrang sikip niya at cute kaya hindi ko mapigilan! Hahaha!”

Narinig ang mapait na boses ni Harold, “Kung gano’n, huwag mo akong kalimutan tuwing mayroon kang benepisyo, ayos ba pare?”

“Huwag kang mag-alala!” Sinabi nang payak ni Wendell.

Sa sandaling natapos ang tawag ni Harold, bigla siyang tinawagan ng kanyang ama.

Ang nabalisang boses ng kanyang ama ang pumasok sa kanyang tainga. “Wendell, may problema! Hininto ng Emgrand Group ang lahat ng proyekto na may kinalaman sa atin! May ginalit ka bang tao kailan lang?”

Lubos na tumahimik si Wendell nang marinig ito.

Totoo ba? Hindi ba’t ibig sabihin nito na malaki ang mawawala sa pamilya nila?!

Mabilis niyang sinabi, “Pa, anong nangyari? Hindi, wala akong ginalit! Ikaw?”

Hindi makapaniwala ang kanyang ama at nalito. “Wala rin ako! Nasa opisina lang ako sa mga nakaraang araw kaya kaunti lang ang nakausap kong tao, lalo na ang mang-away…”

“Hey, Pa, posible ba na ang bagong chairman ng Emgrand ay may ginagawang malaking pagbabago pagkatapos tumungtong sa kumpanya?”

“Oo! Tama ka!” Sinabi ni Mr. Jones, bigla siyang natauhan. “Hindi ko pa nabibisita ang bagong chairman simula noong tumungtong siya. Ilang beses na akong nakipag-usap kay Doris, pero sinabi niya na hindi tumatanggap ng bisita ang kanilang chairman.”

“Anong gagawin natin?”

Nanahimik si Mr. Jones habang iniisip niya ang sitwasyon at sinabi, “Ay, oo. Bukas ng gabi na ang handaan ng pamilya Wilson, sinabi nila na naimbitahan nila ang chairman. Humanap tayo ng pagkakataon upang makausap siya!”

“Sige!” Pumayag agad si Wendell. “Sabay tayong pumunta bukas!”

***

.

Sa sumunod na araw, ang buong pamilya Wilson ay masaya at sobrang natuwa. Ito ang pinaka importanteng sandali sa pamilya.

Sa isang gabi, ang balita tungkol sa pamilya Wilson na nakakuha ng kontrata sa Emgrand Group at ang imbitasyon sa chairman sa handaan ay kumalat sa buong Aurous Hill!

Para sa handaan na ito, sinuot ni Charlie ang pinakamahal niyang suit at pumunta sa hotel kung saan ginanap ang handaan.

Lumabas si Charlie sa kotse pagkatapos dumating sa pasukan ng hotel nang biglang may isang Porsche na tumigil sa harap niya.

Pagkatapos, si Wendell Jones, na may maselan at mamahaling suit at makintab na buhok, ang lumabas sa kotse.

Isang weyter ang umabante at masipag siyang binati.

Mukhang nakita rin ni Wendell si Charlie. Mayroong bakas ng panghahamak sa kanyang mga mata habang siya ay tinitignan at sinabi na may tusong ngiti, “Saan mo nabili ang pekeng suit na ito? Mukha kang aso na gustong manamit.”

Sinabi nang walang ekspresyon ni Charlle, “Anong kinalaman nito sa’yo?”

Kumibot ang mga labi ni Wendell, isang linya ng panlalait ang makikita sa kanyang mukha. “Wala kang kinalaman sa’kin, pero ibang kwento ang asawa mo…”

Bahaghyang kumunot ang noo ni Charlie at tinanong, “Anong kwento?”

.

Ang mga nanonood ay hindi maiwasan kundi tumigil habang ang pag-uusap nila ay dumaan sa kanilang mga tainga.

Simula kagabi, mayroong tsismis na umiikot sa sambayanan.

Sabi sa tsismis na nakakuha ng kontrata si Claire dahil sa malapit nilang relasyon ni Wendell. Kung hindi, paano nila maipapaliwanag ang kolaborasyon ng Emgrand Group base sa kakayahan niya at ng Wilson Group?

Kung iisipin, mukhang totoo ito at makatwiran.

Nang makita na maraming tao ang unti-unting nagtitipon sa paligid nila, sinabi ng malakas ni Wendell, “Ano sa palagay mo ang dahilan kung paano nakakuha si Claire ng kontrata sa Emgrand Group?”

Tumingin nang malamig si Charlie kay Wendell. “Ano?”

Bumaluktot ang mga labi ni Wendell sa mayabang na ngiti at sinabi, “Dahil sa’kin, syempre! Dahil babae ko na si Claire ngayon, kaya binigay ko ang lahat upang magtagumpay sita sa negosasyon sa kanila! Kung may natitira ka pang bait, maging maginoo ka at hiwalayan mo na siya sa lalong madaling panahon.”

Kahit na inaasahan na nila ang dahilan, hindi maiwasan ng mga tao na mapanganga sa gulat nang marinig nila na sinabi ito ni Wendell.

Tama nga! Nakuha ni Claire ang kontrata sa pamamagitan ng pagtatalik kay Wendell Jones!

“Dahil sa’yo?” Tumawa nang nakakatakot si Charlie. “Sino ka ba sa tingin mo?”