Chapter 27- Surprised

Nakita ko si Atasha na umiiyak habang dala ang maleta niya. Naaawa ako sa kaniya dahil masiyado pa siyang bata para maranasan ito.

Pinanood ko siya mula sa bintana na hila-hila ang maleta niyang de gulong. Napabuntong hininga ako dahil hindi ako natutuwa sa nangyayari. Siya lang ang naparusahan at hindi man lang nabuko si dad.

Nakasunod ang paningin ko sa kaniya at sa may hindi kalayuan, may nakita akong dalawang bubuyog na kumakaway sa akin.

Nanlaki ang mata ko nang makita si Axcl at sa tabi niya ay ang nakabusangot na si Shawn.

Nanlalaki ang mata ko habang nagmamadaling bumaba para makalabas ng bahay.

Mabuti at wala sila mommy. Hindi ko alam saan sila nagtungo.

"Anong ginagawa niyong dalawa?" kinakabahang ani ko nang makarating ako sa harapan nila at hinila sila palayo sa bahay namin.

"Ito kasing si Axcl e ayaw makinig," naiinis na sabi ni Shawn. Sa itsura niya parang hindi niya gustong narito siya sa tabi namin.

Natatawa kong kinurot si Axcl. "Dinamay mo lang yata si Shawn d