Chapter 48

Maghapong pagal ang kanyang katawan sa pag-aasikaso sa gawaing bahay at sa pag-aaruga ng kanilang nag-iisang sanggol.

Malaki ang pasasalamat niya na kahit maaga siyang nabuntis ay hindi siya nagkamali sa lalaking pinatulan.

Naging masipag at masigasig ang kanyang mister sa pagtatrabaho at pagpapabuti ng kanilang buhay. Nabibigay nito ang pangangailangan nilang mag-ina, at naitira sila nito sa isang magandang semi-bungalow, sa isang disenteng villa.

Malaya niya pa ring nagagawa ang sumama sa mga kaibigan paminsan-minsan. Hindi naman kasi mahigpit ang kanyang asawa at ayaw nitong ipagkait sa kanya na maranasan pa rin ang i-enjoy ang buhay kahit na may anak na sila. Kaya sa anumang basehan, kahanga-hanga ang tiwala at pagmamahal sa kanya ng kanyang kabiyak.

Hindi rin siya nagkaproblema sa kanyang biyenang babae. Kailanman ay hindi sila nagkaroon ng alitan dahil sa simula't sapol ay tanggap na tanggap siya nito. Ito pa nga ang nanghinayang at namilit na ipagpatul