16

CHARLENE

NATUTUWA siya dahil maraming bumili sa paninda niya. Halos paubos na rin ang dala niya, panigurado matutuwa ang Mama niya.

Laking tulong din ito. Bente pesos ang benta niya sa banana que, kinse naman sa karcioca at kinse rin sa maruya. Mayayaman naman mga nag-aaral dito kaya mabilis niyang nabentahan ang karamihan.

Papasok na siya sa classroom kung saan ang last subject niya. Nang biglang may bumundol sa kaniya at tila sinadya pang sanggiin ang hawak niyang container. Nalaglag at natapon ang mga natira niyang paninda. Kasabay ang pagtawa nang malakas nang bumangga sa kaniya.

Hinarap niya ito. Si Maureen. Naka-cross ang dalawang braso nito sa dibdib at nakataas ang sulok ng labi nito na nakatunghay sa kaniya.

"Tapos ka na ba maglinis ng library?" maangas na tanong nito sabay tingin sa nahulog niyang paninda.

"Nakuha mo pa talagang magtinda rito. Anong akala mo sa University na 'to, palengke? Doon ka dapat sa labas ng University magtinda. So cheap!" maarteng bigkas nito.

Huming