CHAPTER 1 - ISANG TAON...ISANG BUBONG

Christine Pov

“Ngayong Twenty na si Christine, panahon na upang magsama kayo sa isang bubong.”

“What!?”

Nagulat ako sa aking narinig. Muntik pang malaglag ang bilog na pekeng nunal ko sa pisngi habang inis kong hinawi ang buhok na tumakip sa mukha ko.

Sabay kaming nagsalita ng lalaki sa tabi ko dahilan upang nagkatinginan kami. Ngunit sandali lang ‘yon. Ramdam ko Ang malamig niyang presensya.

Siya si Clyde DelCastrillo—asawa ko sa papel. Pero kung umasta, gustong ipamukha sa akin na huwag akong umasa na mamahalin niya.

Ayon kay Mommy, ikinasal daw kami noong isang taon pa lang ako at si Clyde, limang taon. Pero kahit anong tanggi raw niya noon, wala siyang nagawa sa set-up. Dying wish daw kasi ng Daddy niya. Ngayon milagrong gumaling siya sa sakit na iyon. Gayunpaman sinubukan daw muli ni Clyde na ipa-annul ang kasal.

Ngunit tumanggi ang Daddy niya. Bakit? Hindi ko na inusisa. Anyway, high school na ako nang magkwento si Mommy. Kung nahirapan nga si Clyde na kumbinsihin ang ama, ako pa kaya? So, no choice. Hintayin na lang namin na pwede na kaming legal na maghiwalay pagkatapos ng isang taon.

“Careful, you might fall for me.”

Maagap akong nakabalik sa sarili nang marinig ko ang pang-aasar niya. Matagal na pala akong nakatitig sa kanya nang hindi ko namamalayan.

Inirapan ko siya. Pakiramdam ko napahiya ako kay Tito Clarence at sa parents ko.

Kasalukuyan kaming magkaharap sa Lounge area dito sa bahay namin sa San Francisco. Akala ko kung anong emergency ang nagdala sa pamilya DeCastrillo kung bakit buong pamilya nandito, ‘yun pala, pag-uusapan lang naman ang pag-iisang dibdib namin, este, pag-iisang bubong.

Hindi ako nakumbinsi sa ginawa Kong pag irap kanina kaya sinagot ko siya.

“Excuse me, you’re not my type.” Mataray kong sagot sa kanya. Never akong ma fall in love sa lalaking ang taas ng standard sa sarili.

“Clarence, kailangan pa ba natin ituloy ito? Ang pagsamahin dalawa sa isang bubong?”

Narinig kong tanong ni Tita Ciara—ang Mommy ni Clyde. Bakas ng pag-alala ang kanyang mukha.

Seryoso ang mukha ni Tito Clarence. Tumingin siya sa akin at ganun na rin kay Clyde.

“If they wish to convince me, they’ll have to do more than just claim their marriage didn’t work.”

Kita ko ang pagpipigil ni Clyde na sagutin ang Ama. Ngunit ako, agad na akong tumayo at umangal.

“No! Hindi ako papayag. What if pagsamantalahan ako ng lalaking ‘yan habang magkasama kami sa isang bubong. At pagdating ko ng twenty one, maghihiwalay kami pero hindi na ako virgin!” Namumula ako sa inis. Gusto kong gumawa rin siya ng paraan para hindi matuloy ang ganitong set-up.

“Tsk..Napaka OA. Hindi kita type para galawin ko.”

Napalingon ako sa hambog na lalaki. Kita ko ang pag-ismid niya, para bang nakakahiya akong tignan. Lalo lang madagdagan Ang inis ko sa kanya. Kung ayaw niya sa akin, bakit pa siya pumayag na kontrolin kami ng Daddy niya.

“Sigurado ka bang hindi mo ako type?” tanong ko. Hindi ko alam kung bakit lumabas iyon sa aking bibig. Tila umaasa pa ako na mahalin niya.

“No. I’m taken.” Buo nitong sagot as if hindi na magbabago pa iyon.

“Good. At least malinaw. Nangangarap pa akong ibigay ‘to sa lalaking mahal ko.” Sagot ko pabalik. Ayaw ko rin i-assume niya na umaasa ako sa pagmamahal niya.

Kitang-kita ko ang pagkainis sa kanyang mukha. Para bang tinamaan ang ego niya.

“Hindi nga kita type. Paano naman kita magugustuhan? Napaka-childish mo. I prefer smart and mature women.” Bakas ng iritasyon ang boses niya.

Tumawa ako. Alam ko kung anong ibig niyang sabihin. Hindi ako tanga. Pero kung ‘yan ang tingin niya sa akin, so be it. Napakunot ang noo niya, parang gulong-gulo kung bakit natatawa ako.

“Tito Clarence,” sabay lingon ako sa kanya, “manang pala ang hanap nitong anak n’yo. Dapat hindi ako ang pinakasal n’yo. Sana ‘yung mas matanda sa kanya ng sampung taon.”

Tumawa si Tito Clarence sa kalokohan ko. Ramdam ko kung gaano ako kagusto ni Tito Clarence para sa anak niya. Ngunit si Clyde gusto na akong tirisin, nagtitimpi lang siya. Sa ganitong paraan man lang makaganti ako. Childish pala huh?

“Enough of this nonsense, Dad. I need to go back. I have important meetings to attend to.” Tumayo na si Clyde. Halatang napipikon.

Sayang, gwapo pa naman sana siya. Hinayaan ko noon na tumagal ang kasal namin at baka pag nagkita kami, magbago ang damdamin namin sa isat-isa. Magkaroon ng kahit kaunting spark man lang. Ngunit wala nang pag-asa sa aming dalawa, in the first place siya ang unang nagloko kahit hindi pa kami hiwalay. Nagkamali si Mommy sa pagbuild-up ng kabaitan ni Clyde sa akin. Tingnan mo naman. Ganito niya ako tratuhin. Alin doon sa ugali niya ang mabait?

Kunsabagay bakit naman niya seseryosohin ang kasal namin gayung laro lang ito para sa kanya?

“Tungkol saan naman ang meeting na ‘yan?” Halata ang pagdududa sa mga mata ni Tito Clarence habang nagtatanong.

“Magsisimula na ngayong linggo ang brand Ambassador ng DelCas Airline, Dad. We need to plan the launch of “Rebrand Elegance” Campaign.”

Muntik na akong malaglag sa kinauupuan ko. Ngayon ko lang naalala, ako nga pala ‘yon! Ako ang brand ambassador. Walang nakakaalam. Kahit si Mommy. Nakagat ko ang ibabang labi ko habang lumulubog sa utak ko ang lahat.

“Anak, are you okay?”

Narinig kong tanong ni Mommy. That’s when I realized na nakatulala pala ako habang nakanganga. Binalingan ko si Clyde para lang makasalubong ang malamig na ekspresyon niya habang nakatingin sa akin.

“Isama na natin si Christine sa pagbalik sa Pilipinas. Make her your secretary.” biglang sabi ni Tito Clarence.

“No way!”

“No!”

Sabay pa kaming nag-react ni Clyde. Muntik ko nang matadyakan ang mesa sa gulat. Muli kaming nagkatinginan. Nakita ko ang inis niya sa loob kahit pasulyap lang ang ginawa niya sa akin.

Hindi ko alam kung bakit ayaw niya na magsama kami sa isang bubong. Ako? Simple lang. Mahirap pagsabayin ang dalawang identity ko: Ako si Christine, ang legal wife-slash-secretary, at ako pa rin bilang Crystal na brand ambassador ng DelCas Airline.

Galit na binalingan ni Tito Clarence si Clyde.

“Gusto kong gawin mong secretary si Christine para lalo ka niyang maalagaan kahit sa kumpanya.”

“Dad, you know I already have a secretary,” sabat ni Clyde, halatang ayaw talaga ngunit nanatili pa rin ang respeto sa ama.

“Is she Helena Merced? Hindi ko gusto ang babaeng ‘yon. Change her job. At kung kailangan na ilipat mo siya ng ibang branch gawin mo. Akala mo hindi ko alam ang ginagawa ng babaeng ‘yan sa opisina mo? Lagi ka niyang inaakit.”

“She’s my girlfriend.” Direstsahan na sagot ni Clyde. “May karapatan siyang gawin iyon.”

Alam kong pasimple siyang sumulyap sa akin upang basahin ang magiging reaksyon ko. But then, wala siyang mababasa na anumang emosyon sa akin. Lalo na ngayon na may girlfriend na pala siya mas lalo kong protektahan ang aking puso na ‘wag ma-inlove sa kanya.

“Mylah, okay lang ba na isama na namin si Christine pauwi ng pilipinas?” Tanong ni Tito Clarence kay Mommy. Sa mga mata niya nandoon ang pag-asa na sumang-ayon ang aking ina.

Ngumiti si Mommy ngunit may pag-alala na tumingin sa akin. Hindi pa man ako makasagot nang muling magsalita si Clyde.

“Huwag kang sumama kung ayaw mo. Useless din naman pagsasama natin. Hindi natin kayang mahalin ang isa’t-isa. May girlfriend na ako.”

“Clyde!” Saway ni Tito Clarence sa pagiging bulgar ng salita ni Clyde.

Actually wala pa akong balak na sumama. Ngunit dahil hindi ko gusto ang tono ng pananalita niya, nag-iba ang desisyon ko.

“Sure, Tito, sasama ako ngayon.” Nakangiti kong sagot. Bahala na. Langgam lang sa akin ang Isang taon na sakripisyo kasama ang lalaking ‘to.

Nakita ko kung paano umusok ang magkadikit na kilay ni Clyde. Ngunit wala akong pakialam. Alam ba niyang pinarusahan ko ang sarili kong maging pangit para lang walang magkagusto sa akin dahil lang ayaw ni Mommy na may manligaw at baka mainlove ako sa iba? Di hamak na pambubully ang inabot ko para lang matawag na loyal wife. Tapos ang lalaking ito, proud pa sa sarili na ipakilala ang girlfriend niyang si Helena Merced.

Ang babaeng ‘yun. Di ko alam hinabol palang makapasok sa DelCas Group. Hindi nga niya nakuha ang trono ng pagiging brand ambassador ngunit nakuha naman niya ang puso ni Clyde. Nakakabwisit siya.

Teka, bakit ba ako naiinis? Bahala sila kahit magkandungan pa sila wala akong pakialam. Ngunit sa kabila ng inis ko may bahagi ng aking isipan na gusto kong subukan maging secretary ni Clyde. Hindi para akitin ang asawa ko kundi para lalong inisin si Helena. Hindi pa ako nakabawi sa babaeng ‘yun at ngayon naman kay Clyde.

“I’m heading out.”

Nagbuga ng malalim na hangin si tito Clarence habang nakatingin sa papalayong likuran ni Clyde. Tuluyan na pala siyang lumabas ng bahay.

“Ahmm, Tito Clarence, pwedeng respetuhin na lang natin ang desiyon ni Clyde? Isa pa ayaw ko rin manghimasok sa buhay niya. May girlfriend na siya at ayaw ko naman mag-away sila dahil sa akin.” Paliwanag ko kay Tito Clarence. Sinubukan ko kung seryoso ba ito sa desisyon na isama ako pauwi.

“Yan nga ang gusto ko iha. Kung totoong girfriend na niya ang Helena Merced na iyon, much more na ilagay kita sa posisyon bilang sekretarya ng anak ko. Gusto kong ikaw lang ang tanging babae na nakabuntot sa kanya. Pumayag ka na kanina, hindi ba? Sige na, mag-impake ka na..”

Napangiwi ako sa naging response ni Tito sa akin.

My God’ ano ba itong pinasok ko? Pumayag akong maging brand ambassador noon dahil akala ko lilipad-lipad lang ako sa kalawakan.

Hindi ko inakala na lilipad ako sa kawalan.

Mula sa langit ng DelCas Airline, diretso akong babagsak sa impyerno ng opisina… kasama ang lalaking may girlfriend, kahit ako ang asawa.

—------