Kabanata 30

C30 HH

“Kumain ka na Jell.” Nilingon ko si Ansel habang lumabas na ang mga katulong. Pinilit kong tumayo para makalabas sa crib ng mga bata at makakain na rin. Kanina pa kasi ako nakaramdam ng gutom pero tiniis ko na lang nahihiya rin akong magsabi kay Ansel na nagugutom ako.

“Mamama..” iyak ni Javi habang pilit niya akong inabot, kaya kahit nanghihina ako ay pinilit ko siyang buhatin para hindi siya umiyak. Kumapit ako sa crib at dahan-dahan lumabas dito. Umawak din ako sa kama para hindi ako matumba dahil wala pa ring lakas ang aking mga paa.

“K-kapit ka lang kay Mama anak ha?” mahina kong wika kay Javi habang nasa loob ng aking damit ang kanyang isang kamay.

“Tsk.” Napayuko ako ng lumapit sa amin si Ansel. Napasinghap ako ng bigla niya akong binuhat habang hawak ko si Javi. Tuwang-tuwa naman siya habang buhat kami ng kanyang ama.

Ibinaba niya ako sa upuan at kinuha niya si Javi. Malakas naman itong umiyak at tinaas ang dalawang kamay s