Chapter 4

"ANO ba ang ginagawa mo?" kulang sa lakas na sita ni Natasha sa kanyang driver. Pakiramdam niya ay may kuryenting dumadaloy sa kanyang kalamnan ngayon mula sa palad ni Yael na mahigpit ang pagkahawak sa kanyang kamay.

"Do you feel it?" Nakakaloko ang ngiting nakapaskil sa labi ng binata at marubdob ang titig kay Natasha.

Sa picture palang ay naakit na si Yael sa mataray na mukha ng dalaga. At maging sa ugali nito ay nagka-interest siya ayon na rin sa nasagap na balita. Pinasok niya ang trabahong ito dahil may gusto siyang tuklasin.

First time ni Yael ang makaramdam ng ganoong damdamin sa isang babae. Oo at babaero siya kaya umabot na siya sa edad na trenta tres ay walang matinong karelasyon. Pero pinakaayaw niya ay ang matali sa isang relasyon na walang pag-ibig na namamagitan sa kanila.

Maayos naman ang buhay ni Yael sa ibang bansa kung hindi lang siya ginugulo ng abuelo at kinukulit. Hindi siya interesado sa negosyong gusto nitong ipamana sa kaniya noong una. Ngunit nang makita kung sino ang namamahala niyon ay nagbago ang kaniyang isip.

"Sino ka ba talaga, ha?" Nainis na ang dalaga at sapilitang binawi ang kamay mula dito. Ngunit sa halip na bitawan ang kaniyang kamay ay kinabig siya ng binata palapit dito. Hindi niya napaghandaan ang ginawa nito kaya napasubsob siya sa matigas nitong dibdib.

"Makikilala mo rin ako, soon, baby!" ani ng binata at sinapo ng palad nito ang baba ng dalaga upang magharap ang kanilang mukha.

Napalunok ng sariling laway si Natasha nang mapatitig sa mapupulang labi ng lalaki, at bumaba pa ang tingin sa adams apple nito patungong dibdib. Nakabukas ang dalawang butones ng polo nito kung kaya nasilip niya ang hindi kakapalan na balbon sa dibdib ng binata.

"Why don't you touch it?"

Napakagat labi ang dalaga nang marinig ang malagom ngunit namamaos na tinig ng kaniyang driver. Iwan ba niya pero parang nagayuma siya ng kaniyang driver. Ang puso niyang laging natutulog ay biglang nagising at panay ang kabog niyon sa tuwing magtama ang kanilang mga paningin.

Kung sa mga nagdaang lalaki sa buhay niya ito siguro nangyayari ngayon ay tiyak na nasuntok na niya ang lalaki. Pero sa pagkakataon na ito ay tila kinikilig pa siya sa halip na makaramdam ng pagkadismaya or pandidiri sa kaharap dahil minamanyak na siya.

"Damn, You're so beautiful and hot!" Yael said in husky voice. He captured her face and kiss her kissable lips.

Pakiramdam ni Natasha ay umiikot ang paligid niya. Marami na ang nakahalik sa kanyang mala rosas sa pula na labi ngunit kaiba ang kanyang nararamdaman ngayon. Matamis at parang cotton candy ang labi ni Yael. Bahagya pa niyang kinagat ang ibabang labi ng binata at dinaanan ng kanyang dila.

Napangiti si Yael dahil hindi manlang lumaban ang dalaga sa ginawa niyang kapangahasan. Pinalalim niya ang halik sa labi ng dalaga at naging malikot ang dila sa loob. Pilit niyang hinuhuli ang munting dila ng dalaga na naging malikot na rin. Ayaw magpatalo nito, kinabig niya ang batok nito upang palalimin pa ang halik. Halos ayaw niyang pakawalan ang labi nito ngunit kailangan na niya bumitaw bago pa sila kapusin ng hininga.

"Darn, nakakaadik kang halikan!" Yael whisper on her ear.

Nagtayuan ang mga balahibo ng dalaga sa batok dahil sa ginawa ni Yael. Pilit na inilayo ang sarili sa binata at ibinalik ang porstora at hinamig ang sariling katinuan upang itago ang nararamdamang hiya. Mabilis niyang itinulak

"How dare you..."

Mabilis na hinuli ni Yael ang palad nang dalaga bago pa iyon lumapat sa kaniyang pisngi. Lalo siyang natuwa sa nakikitang pamumula ng pisngi nito. At alam niyang dahil iyon sa hiya at hindi dahil sa galit.

"I'm warning you, this is the first and last!"nais pa niya sanang idugtong na sisante na ito sa trabaho ngunit ayaw lumabas niyon sa kanyang bibig. Inirapan niya ang binata nang ngumiti lang ito sa kaniya. Nakakatunaw ang mga titig nito at ang ganda ng ngiti.

"Are you sure na ayaw mong maranasan ang biyaheng langit?" mapanuksong tanong ni Yael sa dalaga.

"Tigilan mo ako! Sino ka ba at ang lakas ng loob mo na pagsamantalahan ako, ha?" Pinag-cross ng dalaga ang braso sa kanyang dibdib. Ang lakas kasi ng kabog niyon lalo na kapag ngumiti ang binata.

Kumindat lang ang binata sa kaniya at ini-start ang engine ng sasakyan. Para bang baliwala lang dito ang pinapakita niyang galit. Hindi manlang ito natakot na mawalan ng trabaho. Mukhang sanay itong mambiktima nabibihag ng karisma nito na ikinainis niya. Gusto man niyang magalit ngunit hindi siya ipokrita sa sarili kung itanggi niyang hindi niya nagustohan ang halik ng lalaki. Minabuti na lamang niyang huwag pansinin ang driver at nagkunwaring abala sa ka-chatmate. Nang makarating ng bahay ay nagkulong agad si Natasha sa kanyang kuwarto.

Napailing na lamang si Yael sa inasta ng dalaga. Alam niyang naging mabilis siya sa ginawang kapangahasan. Hindi naman siya ganito sa mga babaeng nagdaan sa buhay niya kahit isa siyang certified babaero. Sadyang hindi niya lang napigilan ang sariling tikman ang labi nito kanina. May isang bagay siyang natuklasan kanina at bago iyon sa kaniyang pandama.

Kinabukasan ay maagang nagising si Natasha kahit hindi maayos ang tulog kagabi. Isinisi niya iyon sa presko at manyak niyang driver. Mainit na naman ang ulo niya pagkaalala sa kaniyang driver kahit maaga pa.

"Bakit hindi pa nakahanda ang sasakyan?" nakakunot ang noo ni Natasha kausap niyang katulong. Maaga siya papasok ngayong araw dahil may meeting sila ni Don Ernesto, ang may ari ng Restaurant na pinagtatrabahuhan.

"Ma'am, wala po si Yael at umuwi sa kanila kagabi." Kinakabahan na paliwanag ng katulong sa masungit niyang amo.

"What?! Napakabago palang niya ay nagawa na niya agad ang um-absent? Bakit hindi mo muna ipinaalam sa akin bago siya pinaalis?" Nandidilat ang mga mata na bulyaw ni Natasha sa katulong.