Chapter 10

"Mag-ingat ka sa pupuntahan mo!" Nakangiting kumaway si Natasha sa binata.

"I will Baby, you too, please be careful!" Kumindat pa ito bago bumalik sa driver seat.

Napakamot sa batok si Natasha nang maalala na kotse niya ang gagamitin ni Yael kung saan man ito pupunta. Mahal niya ang sasakyang iyon at kahit sa kaibigan ay hindi niya pinapahiram o sa kamag-anak.

"Well, well, well! Finally mukhang may nakabihag na sa pihikan mong puso." Nakangiti ang kaibigan na umakbay kay Natasha. Nakita nito kung paano maghalikan ang dalawa plus hinayaan pa ng kaibigan na gamitin ng lalaki ang sasakyan nito.

"Tingin ko ay siya na nga ang destiny ko!" maging ang mga mata ni Natasha ay nakangiti pagkaharap kay Trexi.

"Im so happy for you, besh! By the way, nakailang round kayo?" pilyang tanong ni Trexi. Sa kilos ng kaibigan ngayon ay alam niyang nakarami ito.

"Obvious ba?" Kagat ang ibabang labi na balik tanong niya kay Trexi.

Tumawa ng malakas ang huli at niyakap ang kaibigan. "Sa wakas, hindi ka na virgin at nakahabol ka sa huling biyahe!" bulong ni Trexi at tinapik sa balikat ang kaibigan.

"Sira!" Natawa na rin si Natasha, sobrang saya niya kahit na walang kasiguradohan kung ano mayroong relasyon sa kanila ng binata. Basta ang alam niya ay na love at first sight siya kay Yael.

Dalawang lingo na ang lumipas mula nang magkakilala ang dalawa at hindi nagtatanong si Natasha tungkol sa pagkatao ni Yael.

...

"LOLO please, hayaan mo muna ako sa gusto ko." Malapit ng maubusan ng pasensya si Yael dahil sa makulit niyang Abuelo. Mula nang malaman nito kung nasaan na siya ay hindi na naman siya tinigilan nito sa pangungulit na hawakan na ang isa nitong negosyo.

"Kung ayaw mo talaga, sa iyong pinsan ko na lamang ipamahala ito. Tiyak na matutuwa iyon lalo na at maganda ang Manager doon." Himig nauubusan na rin ng pasensya si Don Ernesto sa panganay niyang apo.

Pinag-aralan ng matanda ang reaksiyon ng apo. Lihim siyang napangisi nang matigilan ito at napaisip. Alam niyang kinupit nito ang litrato na nasa loob ng kanyang drawer. Magaling magtago ng tunay na damdamin ang binata pero alam niya kung ano ang pinagkakaabalahan nito bukod sa sarili nitong negosyo. Lagpas na sa kalendaryo ang edad nito kaya nag-aalala siya. Puro tikim ng babae lang ginagawa nito at naipagpasalamat niyang hindi niya katulad na may anak sa iba't ibang babae noon.

"Aalis na po ako," ang tanging sagot ng binata. Nagdadalawang isip na siya ngayon tanggihan ang alok ng abuelo nang maisip ang dalaga na nagpatino sa mapaglaro niyang puso.

"Hello, Vincent?"

Napatigil sa paghakbang si Yael nang marinig kung sino ang kausap ng abuelo sa telepono. Mukhang hindi nga ito nagbibiro na ipasa sa kanyang pinsan ang tinanggihang pamana nito sa kaniya. Bumalik siya at nagreklamo sa abuelo.

"Lolo, bakit siya?"

"Why not him?" Nakaarko ang kilay ng matanda na tanong din nito sa apo.

"Alam mo namang matinik iyon sa babae!"

"And, so?" parang teenager na tanong muli ng don sa apo.

"Nevermind! Aalis na po ako," bakas sa boses ni Yael ang inis sa abuelo.

Tumawa ng mahina ang don habang sinundan ng tingin ang apo. Alam niya na kakagat din sa kanyang pain ito kapag itinuloy niya ang plano.

Hindi mapakali si Yael sa harap ng mga tao na ka meeting niya ngayon. Inilalahad sa kanyang harapan kung ano ang dapat gawin sa uumpisahang building na itatayo niya. Ang kanyang isip ay naglalakbay sa kabilang ibayo kung nasaan si Natasha.

"Excuse me!" Paalam niya sa isang engineer at dinayal ang numero ng opisina ng naturang restaurant.

"Hello good afternoon, maari ko bang makausap si Natasha?" pormal na nakipag-usap si Yael sa nagpakilalang secretary ni Natasha.

"Sorry po Sir, nasa opisina po ni Don Ernesto si Ma'am Nat." Magalang na sagot ng kausap.

"Maari ko bang malaman kung sino pa ang naroon na kausap niya ngayon?"

Napataas ang kilay ng secretary sa tinuran ng kausap. "Sino po ba kayo Sir?" nang-iintrigang tanong nito sa lalaki.

"Damn it! Just answer my question, will you?" hindi napigilan ni Yael ang pagtaas ng kaniyang boses.

"Si Sir Vincent po!"

Nataranta namang sagot agad ng secretary. Hindi na niya pinatapos ito sa pagsalita at pinutol ang tawag. Namaalam siya sa mga naroon at pinaharorot ang sasakyan pabalik sa restaurant. Hindi siya makakapayag na mapalapit ang mas babaero pa sa kaniya na pinsan kay Natasha.