Chapter 5

"Sorry po ma'am, hindi na kita inistorbo kagabi dahil baka magalit ka. Akala ko rin kasi ay babalik siya ng maaga ngayon."

"Makakatikim sa akin ang lalaking iyon kapag nakita ko siya!"

Napalunok ng sariling laway ang katulong at kinakabahan para sa guwapong driver. Mukhang hindi makaligtas ito sa hindi magandang ugali ng amo. Nanghihinayang siya sa pagiging magandang lalaki nito. Umaasam pa naman siya na mapabago niyon ang masungit nilang amo.

"Itawag mo ako ng taxi!" mataas pa rin ang timbre ng boses ni Natasha. Marunong siya mag-drive ng sasakyan ngunit nagka phobia na siya humawak ng manubela dahil muntik na siyang mamatay noon sa aksidente.

Halos umusok ang ilong ng dalaga sa galit habang sakay ng taxi. Nagngi-ngitngit ang kalooban sa kaisipang hindi na muli makita ang manyak na driver matapos siyang maisahan.

"Good morning, Hija!" maaliwalas ang mukha ng matandang bilyonaryo na bumati kay Natasha.

"Good morning din po, Lolo!" Nakangiting bati niya kay Don Ernesto. Lolo ang nais ng matamda na itawag niya dito dahil iisa lang umano ang apo nitong babae.

"Salamat hija sa pag- manage ng ating negosyo. Kahit madalas ay wala ako ay napalago mo ito. Tumaas ang kita at dumami ang ating kleyente dahil sa iyong husay sa pamamalakad." Puro ng don sa dalaga.

"Ginagawa ko lamang po ang aking trabaho at salamat din po sa tiwala!"

"By the way, nauna ang aking apo umuwi dito sa Pilipinas upang magbakasyon. Naligaw na ba siya dito?" tanong ng matanda kay Natasha.

Tuwing mag-uusap sila ng don ay lagi nito binabanggit sa kanya ang babaero nitong apo na nakatira sa Italy. Hindi pa naman niya ito nakikita, sa mahigit limang taon niyang pagtatrabaho sa matanda ay alam niyang mapaglaro sa babae ang mga apo nito.

"Sorry po pero wala pa namang pumunta rito at nagpakilala na apo niyo."

"Hindi bale hija, one day ay isasama ko siya rito upang makilala mo. Malay mo ikaw ang babaeng makapatino sa pasaway kong apo." Makahulogang biro ng matanda sa dalaga.

Matipid lang na ngiti ang itinugon ni Natasha sa big boss niya. Mabait ang matanda at madalas itong dumadaing kung paanong nag-aalala sa mga apo na babaero. Sa tagal na niyang nagtatrabaho doon ay hindi pa naman niya nakikita ang mukha ng mga apo nito. Wala kasi siyang interest kapag lalaki ang pinag-uusapan kaya nga umabot na siya sa ganitong edad na virgin pa rin.

"Tulad mo ay mahilig din siya sa kusina. Sa katunayan ay gusto niyang magtatayo siya ng sariling Restaurant. Pinamamana ko na sa kanya ito ngunit matigas ang ulo, gusto niyang mag-manage ng sariling pinaghirapan." Naiiling na dugtong pa ng don.

Maging si Natasha ay nawerduhan sa takbo ng isip ng apo nito. Nag-enjoy siya sa pakipag-usap sa Don at panandaliang nakalimutan ang sumira sa kanyang araw. Marami pa silang napag-usapan ng don tungkol sa ikabubuti pa ng restaurant.

"Best, sasabay ka ba sa akin?" bati ni Trexi kay Natasha nang mag-uwian na. Assistant Manager niya ito kung kaya araw-araw silang nagkikita at tinutukso sa pagiging virgin niya hanggang ngayon.

"Nagpatawag na ako ng taxi." Muling nanumbalik ang inis na nadarama ni Natasha, nang maalala na nag-commute siya sa araw na iyon dahil sa pagiging unprofessional ng kanyang bagong driver.

Hindi na siya pinilit ni Trexi na sumabay dito. Alam nito ang ugali niya, ayaw niya rin ng makulit. Sasakay na sana siya sa taxi nang may humawak sa kanyang kamay.

"Sa akin ka na sumabay." Kahit hindi niya ito lingonin ay alam niya kung sino ang pangahas na humawak sa kanyang kamay. Kumakabog ang dibdib at parang kapusin siya ng hangin sa baga dahil sa kaba sa hindi niya malamang dahilan.

"Bakit ka kinakabahan eh siya itong may kasalanan sa iyo?" sita ng kanyang mataray na kunsensya sa sarili.

Nagbuga muna ng hangin ang dalaga sa bibig bago nagsalita na hindi nililingon ang lalaki." Bitiwan mo ang kamay ko!"

"Bitiwan ko lamang ito kung kusa kang sumakay sa sasakyan ko." Matigas na sagot ni Yael.

Galit na nilingon ng dalaga ito. "Ang kapal mo din eh noh? Kung umasta ka ay parang ikaw ang amo tapos—"

"Tapos?" naiinip na tanong ng binata nang matigil sa pagsalita ang dalaga nang magtagpo ang kanilang mga paningin.

Hindi namalayan ni Natasha na napatulala siya pagkasilay sa mukha ni Yael. Magdamag at maghapon niya lang naman ito hindi nakita pero bakit mukhang dumoble ang kaguwapohan ng gago niyang driver? Lalo siyang napatanga nang mapansin ang kasuutan nito. Nakasuot ito ng longsleve at naka necktie pa. Kung hindi niya lang nabosisan ang binata ay hindi niya ito makikilala sa unang tingin.