Chapter 12

"Good luck, insan!" Nakangisi na pahabol ni Vincent kay Yael.

"Fuck you!" Hindi lumilingon na sagot ni Yael sa pang-asar ng kanyang pinsan. Kasalanan nito at ng abuelo kung bakit humantong sa ganito ang lahat.

Ngayon siya nagsisi at nagpadala sa bugso ng damdamin at hindi agad nagtapat sa dalaga. Hindi niya akalain na mahulog siya sa pain ng abuelo gamit ang pasaway niyang pinsan. Nang makita niyang pumara ng taxi ang dalaga ay nilakihan niya ang hakbang ng mga paa.

"Hi ma'am, what a coincidence! Sana naman tuloy na ang pagsakay mo sa akin ngayon." Nakangiti na dumungaw ang ulo ng driver sa bintana ng sasakyan.

"Naudlot ang pagbukas sana ni Natasha sa pinto ng taxi. Namukhaan niya ang driver na siyang sasakyan niya rin sana noon.

"Larga na Pare, hindi siya sasakay!"

"Na naman? Pag minamalas ka nga naman oh!" reklamo ng driver nang makita muli si Yael.

"Huwag kang umalis, sasakay ako!" Mabilis na binuksan ni Natasha ang pinto at pumasok sa loob.

Maagap naman na naiharang ni Yael ang kamay sa pinto bago pa iyon maisara ng dalaga.

"Kapag hindi mo pinababa ang babaeng iyan sa sasakyan mo ay papasibak kita sa trabaho mo!" Panakot ni Yael sa driver.

Napatingin ang driver sa postura ng binata, alam niya na hindi ito ordinaryong mamayan lamang.

"Miss bumaba ka na lang at mag-usap kayo ng jowa mo. Mas mahal ko ang trabaho ko keysa sa panandaliang ligaya, at tsaka may asawa na ako."

Nanlaki ang mga mata ni Natasha na napatingin sa driver. Hindi siya nakatiis at pinalo niya ito ng hawak niyang bag dahil sa inis.

"Ouch! Sir kunin mo na ito at napakasadista!" Reklamo ng driver na panay ilag sa hampas ng dalaga.

"Pasensya na Pare, madali uminit ang ulo niya dahil naglilihi!" Pumasok sa loob ng kotse ang huli upang awatin ang dalaga.

"Isa ka pa!" si Yael naman ngayon ang binalingan ni Natasha at pinaghahampas ng kanyang bag na maliit.

"Sir, saan tayo?" Nakangisi na tanong ng driver nang sininyasan ito ng binata na paandarin na ang sasakyan. Hawak na nito ng mahipit ang kamay ng dalaga patalikod.

"Biyaheng langit, Pare!"

Nag thumbs up lang ang driver dito at pinaharurot na ang sasakyan. Alam niya kung saan ang ibig sabihin ng kanyang pasahero.

Sa loob ng opisina ay pinagtaasan ni Vincent ng kilay ang abuelo. Mukhang nakalimutan na nitong naroon pa siya at abot hanggang taenga ang ngiti nito ngayon.

"Pwede ka ng umalis." Pagsusungit ni Don Ernesto sa apo nang mahuling nakatitig ito sa kaniya.

"Ganoon na lang?" dumoble ang gatla sa kaniyang noo.

Don Ernesto chuckle while looking at his second grandson. Mas bata lang ito ng limang taon kay Yael pero puro laro lang din sa buhay ang alam nito. Kung si Yael ay mapili sa babae ngunit walang siniseryoso, ito namang si Vincent ay walang sinasanto basta nakasuot ng palda. Minsan na ito kamuntik na makatikim ng bakla sa pag-aakalang babae iyon.

Kung si Yael ay mas gusto pamahalaan ang sariling pinaghirapang itayong negosyo, ito namang si Vincent ay tamad magtayo ng sariling negosyo. Puro riders ang barkada nito at nalalagay lagi sa panganib ang buhay nito.

"Nabili ko na ang gusto mong pangkarerang car, may iba ka pa bang kailangan?" pgasusungit pa rin ng matanda sa apo.

Nakangising hinarap ni Vincent ang abuelo. Alam niyang labag sa loob nito ang hiniling niyang kapalit sa pagtulong dito, ang mapaamin si Yael sa damdamin nito para sa babaeng napusoan ng abuelo na mapangasawa ng pinsan. Mahal nila ang kanilang abuelo kahit na dominante ito at gustong ma control ang kanilang buhay.

"Last na iyan at kung maari ay tumino ka na rin sa buhay katulad ni Yael."

"Grandpa, si Jay Ian po muna ang hanapan mo ng mapangasawa bago ako."

Inambahan ni Ernesto ng baston ang apo dahil sa pang-aasar nito sa kaniya. Alam nitong malabong mangyari ang naiisip nito. Sa lahat ng apo niya ay si Jay ang pinaka mailap at hirap hagilapin dahil laging nasa nabundok.

Natatawang iniwan na ni Vincent ang abuelo. Hindi pa siya sawa sa pagkabinata kaya nungkang susunod siya sa yapak ni Yael. Nang maalala kung paano magselos si Yael kanina ay napailing siya. Hindi niya ma-imagine ang sarili sa ganoong sitwasyon.