Chapter 2

"Ano pa ang tinitingin mo riyan? Buksan mo na ang pinto!" sita ni Natasha sa lalaki nang hindi pa ito kumikilos. Kahit guwapo ito at macho ay tinarayan pa rin niya.

"Ang lamig ng panahon ma'am eh ang init ng ulo niyo," biro ng binata kay Natasha ngunit tinaasan lamang siya ng kilay ng huli. "Ako nga po pala si Yael." Inabot niya ang kamay sa mataray na babae.

Tikwas ang isang kilay na tiningnan ni Natasha ang kamay ng kaharap na nakalahad sa kanyang harapan. Ito ang kauna-unahang tauhan niya na naglakas loob na kausapin siya ng ganoon at nais pang makipagkamay.

"Huwag kang mag-alala at naghugas ako ng alcohol bago humarap sa iyo." May pagkasimpatiko ang ngiti ng binata at ito na mismo ang umabot sa kamay ng dalaga upang makamayan.

"Gusto mo bang mawalan ng trabaho ngayon din?" Pahablot niyang binawi ang kamay mula sa pagkahawak ng binata.

Hindi sa nandidiri siya sa lalaki, kundi parang napaso siya ng magdaiti ang kanilang mga balat. Ang lambot pa ng kamay nito at ang linis ng mga kuko. Iyon ang una niya tinitignan sa tao na nakakadaupang palad. Nainis din siya sa lalaki dahil mukhang presko at ang lakas ng loob na hawakan ang kamay niya gayong hindi sila magka level.

"Ang hot mo naman, ma'am, relax lang po!"

Lalong nainis lamang si Natasha sa binata at hindi manlang ito natakot na mawalan ng trabaho. Pero dapat yata na sa sarili siya dapat mainis nang biglang mag-iba ang kaniyang pakiramdam. Dahil lang sa salitang 'hot' ay biglang nag-init ang kaniyang katawan. Naalala na naman ang pinanuod kanina na p**n video. Upang makaiwas na sa pakipag-usap sa bago niyang driver ay padabog siyang pumasok sa loob ng sasakyan. Nagkunwari pa siyang tulog habang nasa beyahe.

Napailing lang si Yael matapos sulayapan ang dalaga na nasa backseat. Halatang nagtutulog-tulogan lamang ito. Hindi niya akalain na totoo pala ang information na nakuha niya tungkol sa ugali ng babae. Muli niya itong sinulyapan nang huminto ang sasakyan dahil traffic.

"Flawless, perfect!" Napangisi si Yael habang binubuo sa isip kung paano mapaamo ang malditang babae.

Mabilis na bumaba si Natasha ng sasakyan pagkahimpil sa parking lot. Walang salitang iniwan ang driver na alam niyang nakasunod ang tingin sa bawat galaw niya. Bago makapasok ng sariling opisina ay sinubong siya ng pasaway niyang kaibigan.

"Okay ba ang video na pinasa ko sa iyo?" mapanuksong tanong ni Trexi sa kaibigan.

"Anong video?" Maang-maangan na balik tanong ni Natasha dito.

"Sus kunwari ka pa, alam mo na iyon." Pabulong na turan ni Trixi dahil may tao sa paligid.

"I don't have time to watch that nonsense video." Pagkaila ng dalaga. Tinarayan na rin niya ang kaibigan upang maging effective.

"Ano ka ba!" marahang hinampas ni Trixi ang kaibigan sa balikat." "Kailangan mong matutunan ang mga ganoong bagay kaya panuurin mo. Malapit ka nang mawala sa kalendaryo pero virgin ka pa rin."

"Shut up!" Umirap siya sa kaibigan. Pinipikon na naman siya nito at pinaalala pa ang kanyang edad. Si Trexi lamang ang nag-iisa niyang matalik na kaibigan at alam nito ang buo niyang pagkatao.

"Maiba tayo, sino iyong pogi na naghatid sa iyo kanina?" Excited na tanong ni Trexi sa kaibigan.

"Huwag mo nang pagnasaan iyon dahil driver ko siya." Pinandilatan niya ng mga mata ang kaibigan.

"Wow, ngayon lang ako nakakita ng driver na super hot! Napakagat labi si Trexi at nagkaroon ng kinang ang mga mata. Game siya sa kama at nakarami na ng boyfriend na kabaliktaran ni Natasha.

"Akin siya!" Hindi alam ni Natasha kung saan nanggaling ang katagang sinambit.

Tumawa ng malakas si Trexi habang mataman na pinagmamasdan ang mukha ng kaibigan. Lalo siyang naaliw asarin ito dahil bakas sa mukha nito ang gulat nang mapagtanto ang salitang lumabas sa bibig nito.

"Wow ha, nakaramdam ka na ba ng spark, Best?" panunukso ni Trexi sa kaibigan.

"Tsk! Tigilan mo nga ako! Masungit na tinaboy ni Natasha ang kaibigan. Tumuloy na siya sa loob ng opisina at sumunod ito. Doon din nagtatrabaho ang kaibigan bilang kaniyang assistant.