Chapter 102

Hindi na nila natapos ang paghahapunan at magkasunod na naupo sa malambot na sofa ng sala sina Berry at Lawrence. Si Don Alejandro naman ay inihatid ni Lara sa sala at umalis din ng senyasan siya ng matandang Fontanilla.

"Totoo bang buntis ka Berry?" seryosong tanong agad ni Don Alejandro sa anak.

"Opo, Don Alejandro." nahihiyang sagot ni Berry na ikinabuntong hininga ng Don ng marinig ang isinagot ng anak.

"Ilang buwan ka ng nagdadalang tao?" seryosong tanong muli ng ama ni Berry.

"Hindi ko po sigurado, baka dalawang buwan na po. Kanina ko lang din po nalaman na buntis ako." mahinang sagot ni Berry.

"Paano mo nalamang buntis ka?" si Lawrence naman ang nagtanong.

"Kina Manang Ester, pinulsuhan din ako ni Lara at pinagamit nila ako ng pregnacy test kit. Dalawa ang lumabas na guhit kaya positive na buntis nga ako."

"Sino ang ama niyang pinagbubuntis mo at nasaan siya?" si Don Alejandro uli ang nagtanong.

Natahimik ang dalaga at hindi masagot ang tanong na iyon ng ama. Sinulyapan pa ni