Chapter 1.1

BROKEN - BOOK 1

Mina's POV

TAHIMIK LANG na kumakain si Mina at hindi pansin ang mga kapatid na nagtatalo-talo kung anong dapat na iregalo sa wedding anniversary ng parents nila.

"What about trip to Europe?" sabay na sabi nina Shimmer at Shine. Labing pito na ang mga ito. Hindi niya alam kung sinasadya ba ng mga ito na palagi na lang magsabay sa pagsasalita o talagang nagkakataon lang? Sabi nila mayroon daw special connection ang mga kambal. Siguro may mental telepathy ang dalawa.

"Duh, we can't afford that," pambabara naman ni Tati. Ito at ang kambal ay iisa ang mga ina. Si Tita Melody ang legal na asawa ng daddy nila.

"Ba't di niyo na lang regaluhan ng condom ang tatay niyo para naman di na tayo madagdagan?" si Amanda.

Kagaya niya anak sila sa labas pati na rin si Geneva na may nakasalpak na earphone sa tainga at maganang kumakain. Mas madalas na wala itong pakialam sa paligid nito kagaya na lang ngayon.

"Yuck!" sabay na ani ni Shimmer and Shine

"Gross!" lukot ang mukhang ani ni Tati.

"Ang aarte niyo! Yuck, gross pa kayong nalalaman dyan," nakairap na sabi ni Amanda saka sinubo ang hotdog.

Sabay-sabay na inirapan lang ito ng tatlo. Kaidad niya si Amanda at Geneva pare-pareho silang nineteen at sa iisang University lang pumapasok. Third year collage na ang dalawa samantalang siya ay second year pa lang. Matagal kasi siyang nahinto sa pag-aaral.

"What about you Ate Mina, any suggestions?" tanong ni Tati sa kanya. Lahat ng mata ay tumuon sa kanya maliban kay Geneva na nanatiling may sariling mundo.

"Ahm, magkano ba ang budget?" tanong niya sa mga ito.

"I have five thousand and shimmer and shine had two thousand each. Geneva gave three thousand and your contribution is five thousand all in all we have seventeen thousand," sagot ni Tati na ang daliri ay nagkukuwenta sa hangin.

"Hoy, Tati, bakit di mo binanggit ang ambag ko?" sita dito ni Amanda.

"Oh, as if sobrang laking tulong ng five hundred pesos mo noh!"

"Hindi mabubuo ang one thousand kung kulang ng five hundred kaya malaking bagay ang five hundred ko noh!" sagot naman ni Amanda na ginaya ang tono ng boses ni Tati.

"Excuse me mayroon kayang buong one thousand!"

"Enough," awat niya sa mga ito. Nagsi tigil naman ang mga ito kahit na panay ang tinginan ng masama at irapan. "So, dahil seventeen thousand lang ang pera natin naisip ko na bakit di na lang tayo mag-set up ng dinner with candle light sa garden para kina Dad? Yung pera ipambili natin ng food at flowers and everything that we need like scented candles, petals etcetera. What do you think?" tanong niya sa mga ito.

Saglit naman na parang nag-isip ang mga ito saka nagsi sangayunan.

"Shimmer and Shine kayo ang magse-set up sa labas. Tati and Geneva kayo naman ang bahalang lumibang kina Daddy para hindi nila mapansin ang gagawing preparation nila Shimmer then tayong dalawa naman Amanda ang bahalang magluto ng food."

"Ay nako, Hermina, may lakad ako. Saka nag-ambag nako noh, puwede na yo'n. Wag niyo na kong isali sa preparation na yan," angal ni Amanda.

"Hmp! pinagmalaki pa ang five hundred niya," bulong ni Tati.

"Hoy, Tati, narinig kita ha, baka gusto mong sabunutan kita dyan!" Akmang tatayo si Amanda ng pigilan niya ito.

"Tama na nga. Pumunta ka na sa lakad mo ako ng bahala sa food."

Ngumiti naman ito ng malapad sa kanya saka tumayo at binitbit na ang bag nito.

Bumuntong-hininga na lang siya at tumayo na rin dala ang bag niya.

Monday ngayon kaya may pasok at iisang university lang ang pinapasukan nilang anim.

Ang kambal ay first year college pa lang habang silang dalawa ni Tati ay second year, si Geneva at Amanda ay third year. May sari-sariling sasakyan ang mga kapatid niya maliban sa kanya na hinahatid sundo ng driver gamit ang isang kotse ng daddy nila. Hindi kasi siya marunong magmaneho.

"HOY, FREAK NAGAWA mo ba ang thesis namin?" tanong sa kanya ni Alodia ang cheerleader ng campus nila. Nasa likod nito ang dalawang alipores nito.

Dinukot niya sa bag ang tatlong folder at iniabot dito. Binuksan nito iyon at nakangiting tumango-tango.

"Good, maasahan ka talaga. Till next time, freak!" Inihampas-hampas pa nito sa ulo niya ang mga folder bago nagtatawanang umalis.

Inayos niya ang headband niya na tumabingi dahil sa ginawa nito.

Simula ng first year pa lang siya lagi na siyang binubully ng mga ito. Hindi niya alam kung bakit mainit ang dugo ng mga ito sa kanya kahit wala naman siyang ginagawa.

Noong una naman ay mababait ang mga ito sa kanya lalo na ng malaman ng mga ito na isa siyang De'Marco pero nagbago ang lahat ng iyon ng malaman ng mga ito na anak lang siya sa labas. Minsan naiinggit siya sa kapatid na si Tati. Tinitingala kasi ito ng mga ka-batch nila at hinahangaan. Pila ang mga manliligaw nito at maraming kaibigan. Hindi katulad niya na laging naiiwan sa isang tabi at nilalapitan lang kapag gusto siyang i-bully ng mga ito.

Hindi siya gumaganti at hinahayaan lang ang mga ito kung ano ang gawin at i-utos sa kanya. Mas gusto niya na tumahimik na lang kaysa sa lumaban.

Napahinto siya nang mapadaan siya sa Gym, may practice ang basketball team. Lumapit siya sa pinto at sumilip.

Agad niyang napansin ang madalas magpabilis ng pintig ng puso niya. Si Kristoff Sandoval. Team captain at heartrob ng campus. Graduating na ito at ngayon pa lang nalulungkot na siya na next year hindi niya na ito makikita.

Halos 80% ng audience ay puro babae. Maliban kasi na isa itong Sandoval na isa sa kilalang pamilya sa bansa ay napakaguwapo nito. Sa tantiya niya ay nasa anim na talampakan ang taas nito. Maganda ang katawan na ikatatakam talaga ng kahit na sinong babae. Hindi niya pa ito nakikitang n*******d pero ang sabi ng iba may 8 pack abs daw ito. Matangos ang ilong nito at mapipintog ang mapupulang labi. Makinis at maputi ang balat nito na animo ay parang gatas. Matalino din ito at masipag mag-aral. Bukod sa mabait din ito. Ni hindi niya pa ito nabalitaang napasama sa gulo.

Napuno ang Gym ng tilian at hiyawan ng mga kababaihan nang maka-steel si Kristoff at mai-shoot ang bola. Panalo ang team nito sa score na 88-52.

Hindi niya masisisi ang mga babae sa campus nila kung magpakabaliw sa kakasunod kay Kristoff, siya man ay lihim na tinigtignan ito kapag dumaraan sa harap niya.

Madalas niyang pangarapin ito lalo na at kapag nasa kuwarto niya na siya at nagpapaantok.

Nakita niyang may lumapit kay Kristoff. Si Elizabeth Gabel. Half British-half american ang Daddy nito ang mommy naman nito ay purong pilipina. Kaya hindi kataka-taka na napakaganda nito. Napapabalitang girlfriend ito ni Kristoff. Kaka-transfer lang last year ni Elizabeth dito sa Westwood.

Ang alam niya sa ibang bansa ito nag-aaral dati. Selosa ito at possessive kay Kristoff lahat ng babaeng mapa-ugnay sa binata ay binu-bully nito. Ang iba ay napipilitang mag-drop out dahil hindi tinitigilan ng babae.

Kaya ang iba hanggang tingin na lang. Walang may maglakas ng loob na magpa-cute kay Kristoff kapag nandiyan si Elizabeth.

"Huy, Hermina, kulitiin yang mata mo kakasilip kay Kristoff!"

Nagulat siya ng biglang sumulpot sa gilid niya si Jessa ang nag-iisang kaibigan niya dito sa Campus.

"Nakakagulat ka naman," ani niya dito habang hawak ang dibdib.

"Sus, kanina pa ako dito. Nagulat ka kasi di mo ako napansin. Busy ka kakatanaw diyan kay Kristoff!"

"Sssh, ano ka ba may makarinig sayo," saway niya dito saka tumingin-tingin sa paligid.

"Asus, halika na nga punta tayo sa canteen pakopya ng assignment sa algorithm," hinila na siya nito kaya napasunod na lang siya dito.

Nakilala niya ito ng minsang sumali siya sa school papers. Pareho silang freshman noon. Agad niya itong nakasundo dahil bukod tanging ito lang ang nagtitiyagang kumausap sa kanya kahit madalang siyang magsalita at madalas na tulala.

Ito rin ang isa sa mga dahilan kung bakit kahit papaano ay nakakaya niya pang pumasok sa eskwelahan.