Hindi na namalayan ni Zarina na nakatulog na siya sa labis na pag-iniisip at pag-iyak. Nang magising siya ay agad na hinanap ng mata niya ang orasan na nakapatong sa mini cabinet pasado alas dose na ng gabi pero wala pa rin si Antoine.
May plano pa kayang umuwi ang asawa niya?
Baka hindi na ‘yon umuwi. Kita mo naman na magkasama sila ng first love niya kanina? Baka nga hanggang sa mga oras na ‘to ay magkasama pa rin sila.
Mapakla siyang napatawa.
Malamang!
Baka nagkaayos na rin ang mga ito dahil sa kalokohan na ginawa niya no’n bago pa maikasal ang mga ito.
The realization hit her hard.
Kung kailan naman kasi na okay na sila ni Antoine saka naman magpapakitang muli si Serenity sa asawa niya?
Hindi ba puwedeng maging masaya na lang siya kapiling ang asawa?
Lord, pinarurusahan niyo ba ako?
Dagling pinunasan ni Zarina ang mga luhang naglandas sa kaniyang mukha. Simula ata nang mahalin niya ang asawa puro pag-iyak at paghihintay na lang ata ang nagagawa niya.
Napagpasyahan ni Zarina na tumayo para hayunin ang kusina nang kumalam ang kaniyang sikmura. Marahil halos wala pa siyang kain buhat kaninang umaga ng sundan nila ni Giselle ang asawa.
Pagkatapos kumain ay agad niyang iniligpit at hinugasan ang pinagkainan. Dahil wala naman silang kasamang kawaksi sa bahay nila. Hindi kumuha si Antoine kahit pa pinipilit ng ama nito na dapat may kasama sila sa bahay. Pero ang katwiran ng asawa niya, dapat niyang matutunan ang mga gawaing bahay dahil hindi p’wedeng wala siyang alam sa bahay lalo pa’t mag-asawa na sila.
Now, she wonders why.
Isa ito sa paraan nito para pahirapan siya at sumuko. Gustong-gusto na ni Antoine na hiwalayan siya pero hindi lang nito magawa dahil sa ama nito na si Don Antonio. Kaya lahat ng pahirap ginagawa nito para siya na ang sumuko.
Kaya kahit wala siyang alam sa gawaing bahay at sanay na may katulong na gagawa para sa kan'ya.
Ginawa niya pa rin. Kumikilos siya. Naglilinis ng bahay, naglalaba at luluto. Lahat 'yon pinag-aralan niya. Sa isip niya, baka dahil doon matutunan din siyang mahalin ng asawa. Baka dahil doon mabura niya ang lahat ng galit nito.
Baka dahil doon...
Ituring siyang asawa.
Asawa?
Napailing na lang si Zarina sa tanong ng isip niya.
Antoine already owns her entire personality system, so even if she doesn't want to think about it, her brain does.
Nang matapos si Zarina maghugas at magligpit. Ang plano sana niya ay bumalik na lang sa silid para matulog kaysa isipin ang walang katapusan na tanong sa isip niya.
Hindi pa man siya tuluyang nakakaakyat sa grand staircase ay bumukas ang pinto at iniluwa roon ang asawa niya.
Tila isa itong magnanakaw na nahuli ng may-ari ng bahay dahil nagulat ito at hindi makakilos sa kinatatayuan.
Mataman niyang tinitigan ang asawa mula ulo hanggang talampakan ay maayos ito. Walang bakas na may ginawa ito ng kahit na ano.
Paano ka naman nakakasiguro na wala? Eksaheradang singit na tanong ng isip niya.
Napalunok si Zarina bago ipinilig ang ulo nang siya ang unang nakabawi sa pagkabigla.
“Kumain ka na ba?” masuyong tanong niya.
Gusto na niyang palakpakan ang sarili dahil nagawa pa rin niyang maging mahinahon kahit na ang totoo ay gustong-gusto na niyang mag-outburst sa harap nito.
Sa isip niya pinagsasampal na niya ang asawa dahil alam niya naman kung saan ito galing. Dati-rati kasi hindi siya nag-iisip ng kahit na ano rito. Kahit nga hindi ito madalas umuuwi sa bahay nila dahil alam niyang walang Serenity sa paligid nila.
Pero iba na ngayon!
“I've done eating at the conference meeting,” sagot nito. Na agad iniwas ang mata sa kaniya nang mapansin siguro nito na mataman niyang pinagmamasdan ito.
Conference meeting your ass, asshole! Gigil na sigaw ng isip niya.
Kahit kating-kati na ang dila ni Zarina na tanungin ang asawa kung bakit kasama nito ang dating kasintahan ay hindi niya ginawa.
Napahinga siya nang malalim.
Pilit siyang nagpapakahinahon dahil ayaw niyang magpadala sa emosyon na nararamdaman niya.
"Why are you still awake? Are you waiting for me?"
Bakit gusto mo ba na tulog ako para hindi ko alam na umuwi ka nang late? Singit na tanong sa isip niya na hindi naman niya magawang isatinig.
“Kagigising ko lang, nakatulog kasi ako kanina,” mahinang tugon niya.
Agad na tumango ito at tumalikod sa kaniya para isara ang pinto bago humarap sa kaniya na kalmado.
Biglang nakaramdam ng kaba si Zarina ng mga sandaling ‘yon. Dahil pakiramdam niya may ipagtatapat ito sa kaniya na bagay hindi pa niya kayang harapin kung sakaling tumama ang hinala ng isip niya.
Don’t cry, Zarina! Paalala niya pa sa sarili niya baka magmukhang kaawa-awa siya sa harap ng asawa.
Tama na ‘yong nagmumukha siyang tanga kapag nagkatalikod siya.
Napasinghap pa si Zarina nang lumakad papalapit ang asawa niya at ito naman ang mataman na nakatingin sa kaniya.
‘Yong tingin na sinusuri siya na para bang may nagawa siyang kasalanan. Nagtagal pa ang tingin nito sa mga mata niya.
"Go back to sleep because I'm only here to get some stuff. I'll be in Malaysia for a month for a business convention."
Sleep? Month? Malaysia?
Wait……...
Hindi pa man nagsi-sink in sa utak ni Zarina ang sinabi ng asawa niya ay naglakad na ito paakyat ng hagdanan.
Basta na lang siya nilampasan nito na hindi man lang hinintay kung ano ang magiging sagot niya.
Kailan ba hiningi ng asawa niya ang opinyon niya?
Maang na sinundan na lang niya ng tingin ang asawa.
What does he mean by traveling to Malaysia and attending a business convention for a month?
Ang kilos nito na may halong pagmamadali na tila bang may hinahabol ito na oras.
Is he going to leave me for a month?
No, because he will abandon you permanently! Sabat ng mahaderang isip niya.
Biglang kumabog nang husto ang dibdib niya sa kaba dahil sa naisip.
Agad siyang napasunod sa asawa.
Kitang-kita niya na abala ito sa paglalagay ng mga damit sa maleta. Halos nasa tatlong maleta ang nakita niyang nakalabas para bang gusto nitong Haku tin ang lahat ng damit sa walk-in closet nila.
“Do you want me to help you?” mahina niyang tanong sa asawa na abala sa pagtupi ng mga damit para ilagay sa pangalawang maleta.
Gaga ka ng taon! Iiwanan ka na nga gusto mo pang tulungan na maglagay ng damit? Naiinis na singit ng isip niya.
Gano’n nga siguro kapag nagmahal? ‘Yong itong alam mo na iiwanan ka na pero hanggang sa huli ay pagsisilbihan mo pa rin.
"Go to sleep; I'm leaving. I'll close the door."
Natulala na lang si Zarina sa kinatatayuan nang lumabas ang asawa sa kanilang silid hila-hila ang tatlong maleta.
Dito na ba magtatapos ang pagiging Mrs. Savic niya?
Naglandas ang mga luha niya sa mga mata.
Hindi niya alam kung ano ba ang dapat niyang gawin ngayon?
Susundan ba niya ang asawa o maghihintay na lang kung kailan ito babalik?
Wala sa sariling napatakip siya nang mukha gamit ang dalawang palad saka napahagulgol.
Wala na!
Alam niya na hindi business convention ang pupuntahan ng asawa niya. Alam n’yang nagsisinungaling ito sa kaniya.
Pero kahit gano’n hindi niya magawang tanungin ito. Natatakot siya sa magiging sagot nito. Natatakot s’ya baka mauwi sa hiwalayan ang mangyayari kung sakaling komprontahin n’ya ito. Natatakot siya na baka sa lahat ng ginawa niya para sa lalaki ay hindi siya ang piliin bandang huli.
Bakit hindi mo sundan para malaman mo? Paghahamon sa kan’ya ng isip niya.
Napatayo si Zarina at pinunasan ang luha sa mata.
Susundan niya ang asawa buo na ang desisyon niya. Hindi p’wedeng maupo lang siya sa isang tabi para maghintay kung kailan ito babalik.
She will accept everything she witnesses and learns from her husband's actions.
Even if the truth hurts, she needs to know it.
Now or never!
Kinuha ni Zarina ang susi ng sasakyan na nakalagay sa ibabaw ng vanity mirror. Hinila na rin niya ang jacket na nakasampay sa upuan.
Patakbo siyang bumaba ng hagdanan at nagmamadaling lumabas ng bahay.
Pagkapasok na pagkapasok pa lang niya ng sasakyan ay agad niyang pinasibad ang kaniyang Blue Ford Mustang.
Regalo 'yon ng namayapa niyang ama bago siya mag-twenty-one birthday.
Hindi na niya kailangan mag-isip kung saan siya pupunta. Dahil parang may sariling isip ang kan’yang sasakyan dahil dumiretso ito sa isang building na kung saan may unit ang asawa niya.
Buenavista Condominium ang nakalagay sa harapan ng building.
Ang alam niya hindi basta-basta ang presyo ng mga unit doon. Tanging mga mayayaman lang ang nakaka-a-afford.
Mayaman naman siya. At minsan na rin niyang pinangarap na magkaroon ng sariling unit sa building na ‘yon. Pero buhat na maging asawa niya si Antoine halos buong buhay niya ay sa asawa umikot.
Napangiti siya nang mapait bago lumingon muli sa entrance ng condominium.
Confirm!
Napatawa siya nang mahina. Nang ma-realize kung gaano kalakas ang kutob niya.
She was right!
Hindi business convention ang pupuntahan nito. Dahil kitang-kita niya ang isang malaking maleta na hila-hila ng asawa niya habang nakasunod dito si Serenity na may karga-kargang bata.
Dali-dali niyang kinuha ang cellphone pagkuwan tinawagan ang asawa niya. Mula sa loob ng sasakyan kitang-kita niya ang asawa na huminto sa paglalakad at kinuha nito ang cellphone sa bulsa. Nakita niya pa na nagkatinginan pa muna ang dalawa bago tiningnan muli ang cellphone na tila nagdadalawang isip kung sasagutin ba ang tawag n’ya o hindi. Mayamaya ay ini-off ng asawa niya ang cellphone at isinilid muli sa bulsa.
Isang tawa na pagak ang pinakawalan ni Zarina habang pinupunasan ang mga luhang naglalandas sa mga mata niya.
Nanginginig ang mga kamay niya habang nagmamaneho ng sasakyan. Kanina pa niya sinusundan ang sasakyan ng asawa niya. Kahit may ideya na siya kung saan ito pupunta. Kung bakit niya ginagawa 'yon ay hindi niya alam Marahil, gusto niyang isipin na mali ang hinala niya sa mga ito. Kahit na obvious kung saan talaga patungo ang daan na tinatahak ng mga ito. Gusto pa rin niyang mag-assume na mali siya. Habang papalapit nang papalapit sila sa tinatahak na daan patungong Airport. Palakas nang palakas ang kabog ng dibdib niya. Ang mga kamay niya ay nagsisimula na naman manlamig dahil sa kaba ng nararamdaman niya. Napalunok pa siya nang huminto ang sasakyan ng asawa niya sa tapat ng Airport. Kita niya mula sa malayo ang sekretarya nito na naghihintay sa tapat ng Airport kasama nito si Janus ang matalik na kaibigan ng asawa niya at business partner. Nagsimula na naman mangilid sa luha ang mga mata niya dahil sa nakikita niya. Sumasakit ang dibdib niya sa sari-saring emosyon na nararamdaman
THREE YEARS AGO “Zia, hindi ka ba talaga sasama sa amin ng daddy mo?” muling tanong ng kaniyang ina na si Mommy Carol. Nang pumasok ito sa kaniyang kuwarto para muling ayain na sumama sa mga ito. Buhat ng pagdating niya galing sa eskwelahan ay hindi na natapos-tapos ang pag-aaya nito sa kaniya. At kanina pa rin niya sinasabing hindi siya sasama dahil marami siyang gagawin. Tiningnan niya ito at muling umiling bago itinuon ang atensyon sa laptop. Gumagawa siya ng research para sa isa niyang assignment. Hindi naman ‘yon gaanong importante. Pero dahil wala siyang maisip na alibi sa Mommy Carol niya ay nagkunwa-kunwarian siya na maraming ginagawa. Ikinalat niya pa ang mga libro at notebook sa ibabaw ng kama niya para magmukhang marami siyang gagawin. “Zia, naman! Ayaw mo bang makita ang Kuya Antoine mo? Baka hanapin ka ng Tito Antonio mo. Ano na naman ang idadahilan ko ngayon?" Muli ay napatingin siya sa ina dahil hindi na nito alam kung papaano siya pilitin para lang sumama. Si Ant
“Best, thank you for this.” Nakangiting pasasalamat ni Zarina sa kaibigan n’yang si LC na naging punong-abala sa pag-organize ng surprise party para sa kaniya. Kung tutuusin advance party itong ginawa sa kaniya dahil next two weeks pa talaga siya mag-bi-birthday. “Tsk, puwede ka naman magpasalamat. Bakit kailangan may pagyakap at paghalik pa sa pisngi?” pagrereklamo nito at saka lumayo nang kaunti sa kaniya. Natatawang lumayo si Zarina sa kaibigan na pinupunasan ng tissue ang pisngi kung saan niya ito hinalikan. Napailing na lang siya sa ginawa ng kaibigan. Kung hindi niya talaga kilala si LC iisipin niya maarte ito at mayabang gaya ng pinapakita nito sa karamihan. “Arte! Ganda ka, girl?” pang-iinis niya habang nakapamaywang. "Are you lesbian?" balik na tanong nito na ikinatawa niya nang malakas. "Duh! I’m not. Okay? Nag-kiss lang sa pisngi lesbian na? Baka ikaw?" ganting tanong niya. “Me?” Exaggerated na itinuro ni LC ang sarili at pinasadahan ng tingin ang suot na black midi
Tila natuod si Zarina sa kinatatayuan niya, ang akma niyang paghakbang ay nabitin sa ere. Hindi niya rin magawang lumingon dahil natatakot siya sa makikita niya. ‘Yong baritonong boses pa nga lang naririnig n’ya, iba na ang epekto no’n sa buong katawan niya. Halos lahat ata ng balahibo sa katawan niya ay nagsitaasan. Ang puso niya tila may sinalihan na car racing dahil sobrang bilis ng tibok no’n, para siyang aatakihin sa puso ng wala sa oras. "I'm impatiently waiting for your answer, young lady! Where have you been? Why have you returned home late? You've lied to your mother, saying you were too busy studying to attend my welcome party." Napalunok si Zarina at dahan-dahan ibinaba ang paa para makatayo nang maayos. Ramdam niya ang inis sa boses nito. Gusto man niyang salubungin ng tingin ito ay hindi niya magawa dahil hindi niya alam kung papaano ito haharapin, at sasagutin. Bigla para siyang natataranta dahil naramdaman niyang kumilos ito mula sa likuran niya at naglakad palapit. G
Nagising si Zarina ng marinig niya ang alarm clock na nasa gawing kanan ng kama niya. Kinuha niya lang ‘yon at idinilat ang isang mata para tingnan kung anong oras na ng mga sandaling ‘yon. It’s ten o'clock in the morning. Masyado pang maaga para gumayak papuntang eskwelahan, dahil alas dos pa naman ng hapon ang pasok niya ngayon. Maingat niyang ibinalik ang alarm clock na hawak at ipinikit ang mata. Gusto pa niyang matulog kahit isa o isa’t kalahating oras pa. Pakiramdam niya naubos ang lahat ng lakas niya at sinabayan pa ng hang-over. Hinila niya ang isang mahabang unan at iniyakap ang mga braso roon. Ang ganda ng panaginip niya na gusto pa niyang balikan dahil nakausap niya raw si Antoine kagabi at niyakap siya nito. Niyakap siya ni Antoine? Biglang napabalikwas ng bangon si Zarina ng maalala si Antoine. Agad niyang napansin na wala siyang ano mang saplot sa katawan. Napalunok siya at iginala ang paningin sa kabuuan ng silid. Nasa tamang silid naman siya at nakita niya pa ang
Mahigpit na nakakipkip sa kili-kili ni Zarina ang comforter nang tumayo s’ya sa kama, dahil sa takot na baka biglang pumasok na naman si Antoine sa kuwarto niya. Hindi pa naman marunong magpaalam ‘yon sa kaniya at basta na lang papasok na akala mo’y may-ari ng bahay. Mabilis ang ginawa niyang paghakbang pahayon sa bathroom na nasa loob ng kuwarto niya. Bago niya isinira ang pinto ng banyo ay inihagis niya papalayo ang comforter para hindi ‘yon mabasa. Gustong-gusto pa sana ni Zarina na magbabad sa bathtub at mag-relax dahil maaga pa naman para pumasok sa eskwelahan. Pero dahil hinihintay s’ya ng binata kaya napagpasyahan na lang niyang maligo gamit ang shower. She felt better after taking a cold shower. Ang dating isang oras mahigit niyang paliligo ay ginawa lang niyang kalahating oras. Kahit pa sabihin na masyadong maaga pa para pumasok pero dahil ihahatid siya ng binata ay ayos lang sa kan’ya. She is in her third year of college and pursuing a business administration major in fin
Simula pagpasok pa lang ni Zarina sa kotse ay kating-kati na siyang magtanong kay Antoine kung ano ang ginawa nito sa loob ng anim na taon na hindi sila nagkikita. Dahil kung pagbabasihan lang niya ang physical appearance nito ay masasabi niyang maraming nagbago rito. Given naman na guwapo talaga si Antoine mula pagkabata baka nga hanggang sa pagtanda nito ay guwapo pa rin. Pero ang gusto niyang malaman kung bakit ito nag-stay sa pang matagalan na relasyon? Dahil tandang-tanda niya pa no’n kung papaano ito naging babaero at nag-girlfriend nang sabay-sabay. Kaya nga siya nasaktan noong fifteen years old siya dahil sinundan niya ito hanggang kuwarto na may kasamang babae. Tapos, the next day ibang babae na naman ang kasama nito. Kaya ang pinagtataka niya nang ibinalita ng ina niya noong disi otso anyos siya, na engage na ito sa long-time girlfriend nito na isang model. Hindi naman siya nagtataka na magkaroon ito ng girlfriend na model dahil marami naman talaga ang nagkakagusto sa la
Tila natulala siya sa nangyari at hindi makagalaw sa kinatatayuan, nakatanaw lang siya na papalayong sasakyan. Kung hindi niya pa narinig ang mahinang pagmumura ni Marlon ay hindi pa babalik ang diwa niya. Bakit ba nakalimutan niya ang kaibigan? Dagli siyang napalingon sa likuran niya. Nakita niyang nakatayo na ang kaibigan habang nakaalalay pa rin ang nobyo nitong si Gio. Saka lang niya napansin ang dugo sa gilid ng labi nito. Gano’n ba kalakas ang suntok ni Antoine? Agad siyang lumapit sa kaibigan para humingi ng paumanhin sa inasal ni Antoine. Buong akala niya ay umalis na si Antoine nang makababa siya ng sasakyan nito. Hindi niya alam na sumunod pala ito sa kaniya. Kung bakit ‘yon ginawa ng lalaki ay wala siyang idea. Clueless siya sa buong pangyayari. Masyadong mabilis, ni hindi nga niya magawang makapag-react. Kahit nga ang subukan na harangan ito ay hindi na niya nagawa. “I’m so sorry, Babe. Hindi ko alam kung bakit—” “Is that your boyfriend?” inis na tanong ni Marlon ha