Chapter 6: Problem

"Kuya, ilang araw pa lang ako dito sa bago kong trabaho. Nakakahiyang humingi ng advance na sweldo ‘no. Pwedeng ikaw na muna ang magpadala kay Lola ng pera pambili niya ng gamot?”

Namomoblema kami ng sobra ng Kuya Gino ko sa pera dahil kinakailangang padalhan si Lola pambili niya ng gamot. Ngayon na nga lang ulit kami mag-usap, tungkol pa sa problema. Ni hindi na kami nagkamustahan kung ano na ang mga nangyayari sa mga buhay-buhay namin. Isa rin to sa mga katangian ng kuya ko, walang kapreno-preno ang bunganga kapag problema na.

“Lala, walang-wala ako. Alam mo naman na may binabayaran akong apartment dito. Isama mo na rin ‘yong mga gastusin ko pangkain tapos tubig pa saka kuryente. Kakasweldo ko nga lang nong nakaraan e kaso naubos kaagad sa dami ng bayarin. Gawan mo muna ng paraan. Pangako, sa mga susunod na buwan, ako ang magpapadala.”

“Kuya naman e.”

“Sige na, ngayon lang naman e. Walang-wala lang talaga ako ngayon.” Ramdam ko naman sa boses ni Kuya na desperado siyang kumbinsi