Chapter 12

Kumikirot ang ulo ni Elyssa nang magising siya kinabukasan. Naihilot niya ang daliri sa sentido dahil sa tindi ng kirot niyon habang nanatiling nakapikit ang mata. Sobra ang kalasingan niya kagabi dahil sa dami ng kanyang ininom na alak na hindi naman niya pinagsisihan. Alak lang ang karamay niya kagabi sa birthday niya at upang mendahan ang sugatan niyang puso. Ngunit tanging sakit sa ulo ang nakuha niya dahil hanggang ngayon ay ramdam pa rin niya ang kirot nang ginawa sa kanya ni Jevy.

Nanatili sa sentido niya ang daliri niya habang nanatiling nakapikit ngunit kaagad na napamulagat nang ma-realize ang sitwasyon. Bigla niyang naalala kung sino ang kasama niya kagabi’ng uminom. Bakit siya nakahiga sa kama? Nasaan siya? What the hell did she do last night?

Nanlalaki ang matang biglang napabangon mula sa pagkakahiga si Elyssa ngunit sa kanyang pagbangon ay muling sumigid ang kirot sa kanyang ulo dulot ng matinding hang-over. Pabagsak siyang bumalik sa pagkakahiga upang sana pakalmahin