KABANATA 4

Kinakabahan siya nang sunduin siya ni Red sa bahay nila nang gabing iyon. Ipapakilala siya ng nobyo sa kapatid nito. Kanina pa siya nakatayo sa harap ng salamin.

" Ang gand-da n-man ng a-anak ko," sabi ng inay niya kahit hindi pa rin diretso ang pagsasalita nito.

Kanina pa pala siya nito pinagmamasdan na hindi mapakaling nakatitig sa sarili. Nilingon niya ang ina nang nakangiti.

" Salamat, Nay. Mana lang ako sa inyo," nilapitan niya ito at hinalikan sa pisngi.

Kita rin niya ang kasiyahan sa mukha ng ina. Kanina pa niya ito pinakain ng hapunan. Naigagalaw na nito nang dahan-dahan ang isa pa nitong kamay kaya't hindi na siya gaano'ng nag-aalala kapag naiiwan itong mag-isa. Lagi niyang iniiwan ang isang phone para matawagan siya agad kapag may emergency lalo na't nasa trabaho siya.

Pumasok muna si Red sa loob ng bahay nila para ipagpaalam siyang muli sa ina. Alas-syete na iyon ng gabi. Nagpaluto raw ito sa bahay at alam na ng kuya nito na dadalhin nito ang girlfriend sa bahay para ipakilala. Isang puting blouse at skirt na pink na lampas tuhod ang suot niya. Nilagyan pa niya ng pin ang buhok sa gilid ng tenga. Bago siya isinakay ni Red sa kotse nito ay nasisiyahang pinagmamasdan pa nito ang mukha niya.

" Relax. I'm sure my Kuya will like you, okay?" hinawakan pa nito ang pisngi niya nang sabihin iyon.

Huminga muna siya nang malalim at ngumiti rito.

Hindi naman gaano'ng malayo ang bahay ng boyfriend. Nang makapasok na sila sa malaking gate ay manghang-mangha siya sa laki ng bahay. Alam niyang mayaman ang nobyo niya pero hindi niya akalain na ganito kayaman ang lalaki. Hinawakan siya nito agad sa kamay para pumasok ng bahay.

Tatlong lingo na silang may relasyon pero hanggang hawak kamay pa lang ang ginawa nito sa kanya. Mas lalo siyang humanga sa lalaki dahil hindi ito kailanman naging mapangahas sa kanya. Huminga uli siya nang malalim nang makapasok na nang bahay ng mga ito. Hindi niya uli mapigilang ilibot ang paningin sa loob. Kitang-kita ang karangyaang tinatamasa ng lalaki at ng kapatid nito.

" Ang kuya?" tanong ni Red sa nakasalubong na katulong.

" Good evening po, Sir, Ma'am. Nasa dining room na po si Sir Clayton at hinihintay kayo," magalang na sabi ng may katandaan ng katulong.

" Salamat, Nana Mildred," nakangiting sagot ng lalaki rito.

Nakangiting tumango na rin siya sa matanda. Siya na ang kusang humawak sa braso ng boyfriend lalo na nang papalapit na sila sa dining room. Nilingon siya nito at hinawakan ang kamay niyang nasa braso nito.

" Chill," marahang tumawa pa ito nang sabihin iyon.

Nakita niyang nakahanda na ang maraming pagkain sa mesa. May lalaking nakatayo na nakatalikod. Nakasuot ito ng black coat at black slacks. Likod pa lang nito ay nakaka-intimidate na.

" Kuya," tawag ni Red dito.

Dahan-dahan ang ginawang pagharap ng lalaki. Nagtama ang mga mata nila.

Bakit biglang tumahip ang dibdib niya?

Matagal na napatitig din ang kapatid ni Red sa kanya. Maya-maya ay biglang kumunot ang noo nito na parang galit. Hindi nakaligtas sa paningin niya ang paghagod nito ng tingin sa kabuuan niya at habang ginagawa nito iyon ay mas lalong lumalalim ang pagkakakunot ng noo nito.

Napasinghap siya. Mukhang hindi yata siya gusto ng kapatid ni Red. Nasabi na rin kasi ng boyfriend niya na nakatatlong girlfriends na ito. Lahat ng mga iyon ay hindi nagustuhan ng kapatid nito. Kesyo masyado raw liberated o kaya naman ay social climber at ang panghuli pa nga ay inakit daw ang kuya nito.

Hindi yata napansin ni Red ang disgusto sa mukha ng kapatid nito dahil hindi naaalis ang ngiti sa mukha ng boyfriend niya.

" Meet Samantha, Kuya. She's my girlfriend. Sam, si Kuya Clayton," pagpapakilala nito sa kanila.

Hindi umaalis sa kinatatayuan nito ang lalaki at nananatiling nakatingin lang sa kanya nang wala pa ring ngiti sa mga labi.

Bumitiw siya sa pagkakahawak sa braso ni Red at alanganing lumapit sa kapatid nito para makipagkamay.

" M-magandang gabi po. Ikinagagalak ko pong makilala kayo sa wakas," magalang na sabi niya at inabot pa ang kamay dito.

Hindi nito inabot ang kamay at umalis lang ito sa harap niya.

" You may sit down now so we can eat," pati boses nito ay intimidating.

Napapahiyang ibinaba niya ang kamay at pasimpeng hinawakan ang paldang suot. Nakangiting lumapit si Red sa tabi niya at hinawakan siya sa braso para paupuin. Magkatabi sila ng upuan ni Red habang ang kapatid nito ay nakaupo sa dulo ng mesa.

Iniiwas niya ang mga mata sa lalaki dahil hindi siya tinatantanan ng tingin nito. Todo asikaso ni Red sa kanya at ito pa ang naglalagay ng pagkain sa plato niya.

" Ako na," nahihiyang pigil niya sa boyfriend.

" Oh, let me. Masaya akong pagsilbihan ka, Nap," nanunudyo uli ang mga mata ni Red sa kanya.

" So, how did your love story begin?"

Natigilan siya sa pagsubo at napatingin kay Red na parang kinakabahan. Nakakatakot kasi ang boses ng lalaki. Actually, maganda ang boses nito na buong-buo kaso parang kahit sino'ng makakarinig no'n ay matatakot.

Nginitian siya ni Red at hinawakan ang kamay niya na nasa mesa.

" Sa Mall, Kuya. She just caught my attention right away," hind inaalis ni Red ang tingin sa kanya.

Ngumiti rin siya sa lalaki pero agad ding napalis iyon nang masalubong ang tingin ng kapatid ng nobyo. Umiinom ito ng tubig habang nakatingin sa kanya. Wala sa loob na binawi niya ang kamay na hawak ni Red.

" So, are you still a student, Sam? If you're working already then what's your work?" parang isa itong interviewer sa isang taong nag-aapply ng trabaho.

" A-ahm, I'm working na. I-I'm working online," parang manginginig pa yata ang boses niya.

" What kind of online work?" agad na sinundan nito iyon ng tanong.

Napalunok siya. Hindi siya makaisip nang maayos.

" Well?" hinihintay nito ang sagot niya.

" I believe she's doing online works for a client like a virtual assistant. Right, Nap?" si Red na ang sumagot para sa kanya.

Napatango na lang siya kahit hindi niya alam kung ano'ng klaseng trabaho ang sinabi nito.

" Nap, don't be nervous, okay? Gusto ka lang makilala ni Kuya," bulong ni Red sa kanya.

Ngumiti lang siya nang tipid dito.

" Online works for a client, huh? Interesting. I believe you are just waiting for your client's demands and you'll just do it with no second thoughts, right?" parang may gustong ipahiwatig sa kanya ang sinabi nito.

" R-right," kahit parang naguguluhan ay sumang-ayon na lang din siya.

Itinuloy na niya ang pagsubo kahit parang biglang nawala ang kanyang panlasa. Hindi na rin umimik pa ang kapatid ni Red na ipinagpasalamat niya. Maya-maya ay pinunasan nito ang bibig gamit ang table napkin.

" Please excuse me and just enjoy your meal. I have a scheduled call tonight. Nice meeting you, Samantha. Red, we'll talk later," tumayo na ito habang sinasabi iyon at tiningnan lang siya saglit bago umalis ng dining room.

Saka lang siya parang nakahinga nang maluwag nang nakaalis na ang lalaki.

" Kuya can really make anyone feel uncomfortable when he wants to," nakatawang sabi ni Red nang wala na ang kapatid nito.

Hindi siya umimik.

" Are you okay?" parang worried na tanong ni Red.

" Y-yah," maikling sagot niya at uminom na ng tubig.

Hindi rin naman siya nakakain nang maayos kaya't itinigil na rin niya ang pagkain. Pagkatapos nila ay inilibot siya ni Red sa malaking bahay ng mga ito. Pumunta rin sila sa likod kung saan naroon ang napakalaking swimming pool.

Sa totoo lang ay gustung-gusto na niyang magpahatid pauwi sa nobyo. Nanatili muna sila sa bahay nito. Nakaupo sila sa upuan sa gilid ng swimming pool nang tumunog ang phone nito.

" Mike!" masayang sagot ni Red sa tumatawag dito.

Sumenyas muna ito sa kanya na sasagutin muna ang tawag. Tumango siya rito at saka ito umalis sa harap niya. Pinagmamasdan niya ang malinaw na tubig sa pool nang magulat dahil may biglang nagsalita sa likuran.

" How long have you known my brother?"

Ando'n na naman ang pagririgodon ng puso niya kapag naririnig ang boses ng lalaki. Hindi niya alam kung dahil ba iyon sa takot. Dahan-dahan siyang lumingon. Nakita niya ang kapatid ni Red na nakapamulsa ang mga kamay sa slacks na suot nito.

" A-almost two months," parang ayaw pang lumabas ng boses niya.

" Two months? Wow! How many days did he court you? Or was there any courtship at all?" parang sarcastic ang  tono ng lalaki.

Hindi siya tumayo sa kinauupuan kaya't umupo siya nang maayos para tuluyang mapaharap dito.

" Hindi ko po alam kung bakit galit na galit kayo sa akin," hindi na niya napigilan ang saloobin dito dahil parang nakakainsulto na ito.

" Really? Playing innocent, huh? Well, I can't blame my brother," tiningnan pa uli nito ang kabuuan niya.

" You look so... innocent. You can deceive even the devil himself," he suddenly smirked pagkasabi no'n.

Bubuka na sana uli ang bibig niya para tanungin kung ano ang ibig nitong sabihin pero inunahan siya ng lalaki.

" I don't like you for my brother. I hope I made myself clear. My brother is my only family. I will never let anyone hurt him or fool him. You're way too good in hiding your true identity. Break up with him or you will regret it," nagbabanta ang boses nito kahit kalmado naman ang mukha nito.

Gusto niyang maiyak sa narinig. Hindi niya alam kung bakit parang suklam na suklam ito sa kanya. Wala naman siyang ginagawang masama rito. At ano ang sinasabi nitong hiding her true identity?

Tumayo siya at konti na lang ay tutulo na ang mga luha sa mga mata niya.

" Nandito ka lang pala, Kuya. Pumunta ako sa loob ng library kasi akala ko, eh, nando'n ka. Magpapaalam lang sana ako na ihahatid ko na si Sam sa kanila."

Mabilis na pinahid niya ang gilid ng mga mata niya dahil sa nangingilid niyang mga luha. Isang beses pa siyang tiningnan ng kapatid ni Red bago lumingon sa papalapit na boyfriend niya.

" Okay. I'll go upstairs now," sagot nito.

Iniwan na silang dalawa na hindi na muling tumingin sa kanya.