KABANATA 5

Wala siyang imik hanggang sa maihatid siya ni Red sa bahay nila. Pinipigilan lang kasi niyang maiyak. Lalabas na sana siya ng kotse paghinto nito sa harap ng bahay nila nang pigilan siya ni Red. Hinawakan nito ang kamay niya.

" May problem ba?" tanong nito na pilit hinuhuli ang mga mata niya.

Malungkot na tumingin siya sa nobyo.

" I don't think na gusto ako ng kuya mo," hindi niya masabi rito ang sinabi ng kapatid nito sa kanya.

Ginagap nito ng dalawang kamay ang palad niya.

" Kuya will eventually like you. Kailangan lang niyang makita na isa kang espesyal na babae. Huwag ka nang malungkot, please," hinawakan nito ang baba niya at nginitian siya.

Ngumiti na rin siya rito. Matagal na niyang hinihintay na halikan siya ng lalaki. Kahit kailan kasi ay hindi pa niya naranasan iyon kahit sa klase ng trabaho niya. Ipinikit niya ang mga mata para hindi na ito magdalawang-isip na halikan siya. Hinalikan nga siya nito pero sa noo lang.

Nagtatakang napadilat siya.

" Good night, Nap. Hindi na ako papasok sa loob para makapagpahinga ka na," pinisil pa nito ang pisngi niya.

Ito na ang nagbukas ng lock ng pinto sa gilid niya. Atubiling bumaba na rin siya. Kumaway pa ito sa kanya bago ito umalis.

Maya-maya ay nakatanggap siya ng text galing kay Mr. MC.

I WANT YOU TOMORROW. SAME TIME AND PLACE.

Napakunot-noo siya dahil Linggo bukas at hindi naman siya pinapasayaw nito kapag Sabado't Linggo. Nag-reply na lang din siya rito na pupunta siya.

Kinabukasan ng gabi ay sinundo uli siya ng taxi. Ang gusto ni Mr. MC ay sumayaw siya suot ang bra at panty lang. Tumayo na siya sa stage na suot ang black na bra na hindi pa rin natatakpan ang buong dibdib niya. Itim din ang lace panty na suot niya. Para hindi siya masyadong mailang sa  halos hubad na suot ay nagsuot din siya ng maskara sa mukha na katulad ng sinusuot ng kliyente nyang si Mr. MC.

Nakade-kwatro itong naupo habang nakatingin sa kanya. Sinimulan na nito ang tugtog. Nagsimula na ring gumalaw ang katawan niya kasabay ng musika. Naglalakbay ang mga kamay niya sa katawan habang sumasayaw.

Masuyong hinawakan niya ang malulusog na dibdib habang gumigiling ang beywang. Kagat-labing dinadama niya ang bumabakat niyang nipples.

Napatingin siya kay Mr. MC. Wala itong kakilos-kilos. Dumausdos pababa ang kamay niya sa tiyan niya. Hinihimas niya iyon at patuksong bumababa sa panty niya pero itinataas niya uli. Tumalikod siya at tumuwad konti. Hinahaplos niya ang dalawang binti at umaakyat ang haplos ng mga kamay niya sa hita kasabay ng pag-angat din ng katawan habang nakatuwad. Nang umabot na ang haplos niya sa may tiyan niya uli ay tumayo na siya nang maayos at dahan-dahang humarap.

Napasinghap pa siya nang sa pagharap niyang iyon ay nakatayo na sa harap niya ang lalaki. Never itong lumapit sa kanya sa loob ng limang buwan niyang pagsasayaw dito.

Natigilan siya kaya't hindi siya nakakilos. Ngayon lang niya ito napagmasdan nang malapitan. Matangos ang ilong ng lalaki at kahit natatakpan ang mukha nito ay alam niyang gwapo ito. Ang matang nakatitig sa kanya ngayon ay parang nanghihipnotismo. Inangat nito ang kamay para tanggalin ang maskarang suot niya. Nang matanggal iyon ay itinapon nito iyon sa tabi. Pinaglakbay nito ang isang daliri sa kabuuan ng mukha niya.

Maya-maya ay bumaba iyon hanggang sa leeg niya. Alam niyang nagsisimula nang uminit ang katawan niya sa klase ng mga haplos nito. Ayaw man niya ay parang nagi-guilty siya kay Red dahil sa traydor na reaksiyon ng katawan sa lalaki.

Umatras siya konti nang maramdaman ang kamay nito na nasa pagitan na ng mga dibdib niya.

" A-ahmm, pagsasayaw lang po ang usapan natin," sabi niya at hinawakan ang kamay ng lalaki para pigilan ito sa kung anupamang gagawin ng mga kamay nito.

"The deal is to make me feel hot with your dance. You're not doing your job properly tonight. You might need to show some more... skin," sagot nito na agad na pumunta sa likod niya ang mga kamay at mabilis na natanggal ang hook ng bra niya.

Paos na naman ang boses ng lalaki. Bago pa man humulagpos ang nakawalang mga dibdib ay agad na iyong natakpan ng mga braso niya.

Muli ay lumapat ang isang daliri nito sa leeg niya pababa sa pagitan ng mga dibdib niya.

" You're paid to give me a good show, Samantha," madiin ang pagkakasabi nito sa pangalan niya.

Nanlaki ang mga mata niya. Ang alam niya ay hindi alam ng kliyente ang totoong pangalan niya at kahit ano pang impormasyon tungkol sa kanya. Ang bank account na pinapadalhan nito ng pera ay pinagawa lang ni Diva at ibang pangalan ang nakalagay doon. Malaki ang tiwala niya kay Diva kaya't pumayag siya na ito ang magproseso ng lahat.

" Ano sa tingin mo ang mararamdaman ni Red kapag nalaman niyang ang sinasamba niyang girlfriend ay nagsasayaw na halos hubad sa harap ng Kuya niya?" tinanggal ng lalaki ang suot nitong maskara pagkatapos nitong sabihin iyon.

Napatda siya habang nakatitig sa mukha nito nang tuluyan nang maalis ang maskara. Nang-uuyam ang mga tingin at ngiti ng lalaki.

Kapatid ni Red si Mr. MC? Kaya pala ayaw na ayaw nito sa kanya para sa kapatid nito. Napaatras uli siya.

" Bakit di mo sabihin sa kapatid ko ang totoong trabaho mo? Natatakot ka bang hindi ka niya matanggap? Dapat lang na matakot ka. Now, kung ayaw mong malaman ito ni Red then putulin mo na ang relasyon mo sa kanya," nagtatagis na uli ang mga bagang nito nang sabihin iyon.

Tumulo na nang tuluyan ang luha sa mga mata niya.

" H-hindi naman po ako masamang babae," pagtatanggol niya sa sarili.

" Get dressed saka tayo mag-usap," utos ng lalaki saka umalis na sa harap niya at bumalik sa upuan nito.

Mabilis na tumalikod siya at tumakbo papuntang banyo. Habang nagbibihis ay panay pa rin ang iyak niya.

Hindi pa rin siya makapaniwala na ang mismong kapatid ni Red ang kliyente niya. Sa angkin nitong kagwapuhan bakit kailangan nitong magbayad ng babaeng sasayaw at aakitin ito when in fact madali lang naman itong makakahanap ng babae para gawin iyon nang hindi na kailangang magbayad?

Sigurado rin siyang pipila pa ang mga kababaihang iyon sa lalaki.