WEIRD

Chapter nineteen

"Bakit mo ba kinukuha sa'kin 'yan, Odette? Ayoko ngang kumain ng hotdog." Inis na reklamo ko.

Kanina niya pa pinapalayo sa akin ang nakahandang itlog at pinapalapit sa akin ang hotdog. Naiinis na binaba ko ang kutsara at tinidor saka siya pinagmasdan ng mabuti. Pawis na pawis na naman siya at kabadong nakababa ang tingin.

Bumuntong-hininga na lang ako at kumuha na lang ng bread. May tiwala naman ako sakanya. Malalaman ko rin kung anong nangyayari. 

Palabas na ako ng mansion nang makita sila Vicky at Verna na nagtatalo. Hindi ko sila maintindihan dahil sa layo ng distansya ko kaya hindi na lang ako nangealam. Ayokong ubusin ang oras sa walang kwentang bagay. 

Pinatigil ko na si Cin sa pagsundo sa akin tuwing umaga. Nawawalan na kasi ng trabaho ang driver ko. Ayoko rin namang parati kaming magkasama dahil baka hindi na kakayanin ni Vicky at biglang mamatay sa inggit.

Ang sabi sa akin ni Cin kahapon, magiging busy daw