CHAPTER 7

Pagdating  ni Choleen sa Siera Grande nagmadali siyang nagtungo sa kubo nila at inimpake lahat ng gamit niya. Halos magkada-ugaga siya sa paglalagay ng mga damit niya sa bag para hindi siya maabutan ng amo.

Hindi niya kayang tagalan ang isang taong puro yabang.

'Ano akala niya sa'kin bobo, para insultuhin ng gan'on alam ko naman na katulong lang ako pero tao rin naman ako. Wala siyang karapatan para pagsalitaan ako ng gan'on porque amo siya. Pwes! manigas siya bahala na kung pagalitan ako ni Tiyang sa gagawin ko. Uuwi na ako sa amin'

Wika niya sa sarili.

Muntik pa siyang madapa dahil halos takbuhin na niya mula sa kubo hanggang sa gate ng Siera Grande. Nagtataka tuloy ang ibang mga trabahante roon kung bakit siya nagmamadaling umalis, para bang may ginawa siyang kasalanan at tumatakas para hindi mahuli.

Habang nag-aabang siya ng masasakyan ay natanaw niya mula sa hindi kalayuan na papalapit na ang sasakyan ni Archer kaya dali-dali siyang nagtago. Nang makapasok na ang kotse ng amo ay tumakbo na siya hanggang sa makarating siya sa sakayan ng tricycle.

Samantala, pagdali ni Archer kaagad siyang dumiretso sa kubo.

"Choleen!"

"Choleen!, lumabas ka diyan." Sigaw niya pero walang Choleen na sumasagot.

Kaya sinubukan niyang i-check ang mga kubo baka naroon lang si Choleen pero bigo siya.

"Bakit ho Senyorito? sino ho hinahanap niyo?

"Nakita niyo ba si Choleen?" tanong niya sa hardenero

"Naku, ka-aalis lang ho, nagmamadali nga po iyon e dala-dala niya ho ang mga gamit niya." sagot nito sa kaniya.

"Shit!, saan naman kaya nagpunta iyon hindi pa naman niya kabisado rito."

Dahil sa pag-inis hindi niya mapigilang mag-alala sa dalaga. Ano na lang ang sasabihin sa kaniya ni Martha na pinabayaan niya ang pamangkin nito. Para na rin niyang sinabi na wala siyang utang na loob sa taong nag-alaga sa kaniya mula noong bata pa lang siya.

Napahilot si Archer sa sentido niya habang binabaybay ang daan kung saan posibleng dumaan si Choleen.

Halos kalahating oras na siyang bumabyahe pero ni anino ng dalaga ay wala siyang nakita. Kaya napagdesisyonan niyang dumiretso na sa Miera Grande dahil doon lang ang posibleng puntahan ni Choleen dahil naroon naman ang tiyahin nito.

"Nay Martha!" umalingawngaw sa buong mansyon ang boses niya.

"Nay Martha!,"

"Senyorito, bakit po?" dali-daling lumabas si Aling Martha mula sa kusina.

"Nay, umuwi po ba si Choleen dito?"

"Aba'y hindi, bakit? Wala ba roon sa Siera? Teka may nangyare po ba Senyorito?" Puno ng pag-aalala ang boses ni Aling Martha.

Kilala niya ang pamangkin. Kung noon ngang nasa bahay lang ito ay madalas ng tumatakas para sumama sa barkada. Iniisip na agad ni Aling Martha na marahil ay tumakas na naman ang pamangkin kaya ito hinanap sa kaniya ni Archer.

"Sinama ko po kasi siya kagabi sa isang party ng mga kaibigan kong business owners din. Kaso naiwan ko siya dahil kinausap ko muna ang uncle ni Steff, napasarap ang usap namin napainom na rin kaya nalasing ako sa kotse na ako nakatulog. Habang si Choleen naiwan sa Vip room. Napagsalitaan ng hindi maganda kasi sinabihan ko na siya bago paman kami pumunta sa party na kahit anong mangyare ay huwag siyang lalayo sa tabi ko. Hindi pala siya sumunod sa'kin kaya naiwan ko siya. Nainis rin yata siya kaya sinagot-sagot niya ako nauna nga siyang umalis at hindi na sumabay sa'kin. Pero pagdating ko sa Siera ay wala na siya roon pati mga gamit niya kaya iniisip kong baka dumiretso dito." paliwanag niya kay Aling Martha. Ayaw niyang mag-alala lalo ang matanda kaya sinabi na niya lahat kung ano ang nangyare.

"Nasaan na kaya ang batang iyon? Hindi na talaga nagtino kahit kailan sakit talaga siya sa ulo."inis na wika ni Aling Martha.

"Ang mabuti pa Nay, umuwi na muna kayo subukan niyong tingnan baka doon umuwi si Choleen. Balitaan niyo na lang po ako. Kailan ko muna bumalik sa Siera darating mamaya ang mga investors ko hindi pwedeng wala ako roon."

"Sige po Senyorito, ako na po ang bahala. Pasensya na rin po sa inasal ng pamangkin ko."

"Huwag niyo na isipin iyon Nay ang mahalaga sa ngayon mahanap natin si Choleen."

Kahit sabihin ng iba na masungit si Archer pero ang hindi alam ng iba ay may malambot din naman siyang puso. Napalaki siya ni Aling Martha ng may malawak na pang-unawa. Iyon nga lang mukhang hindi niya iyon naituro kay Choleen kasi kahit anong gawin ni Aling Martha hindi talaga maalis kay Choleen ang pagiging pasaway.