Chapter 85: Sa 'yo ako

Hindi ako nakapagsalita. Kinakabahan kong sinalubong ang galit na galit na mga titig ng asawa ko sa ‘kin. Unang beses ko siyang nakitang galit na nakatingin sa ‘kin. He’s always been soft to me. Dumidiin na rin ang pagkakahawak nito sa kamay ko.

Ayaw ko na ganito siya. Sumasama ang pakiramdam ko nang makita si Mr. Shein na galit na nakatingin sa ‘kin. Hindi ko kaya, hindi ako sanay. Kahit na kinakabahan ako, may kung ano sa puso ko na gusto ko siyang hawakan at halikan para hindi na siya magalit.

May luhang kumawala sa mata ko na hindi ko na inabala pang punasan. Bahala na kung anong mangyari. Mas pipiliin kong umalis na hindi kami magkagalit. Gamit ang isang kamay ko, hinawakan ko siya sa pisngi. Biglang nagbago ang expression sa mukha ni Mr. Shein.

Ngumiti ako at pinakititigan ang mga mata niya. Sobrang ganda, sobrang nakahahalina. Sana makuha ng anak ko ang kulay ng mata niya.

“Wife,” parang nadudurog ang puso ko ng matunugan na naiiyak siya habang sinasabi ang ‘wife’. “You’re n