CHAPTER 16: ROSE SORORITY

Faye's POV

Naawa ako kay Denise dahil namumula na ang kanyang mukha. Bugbog ang inabot niya kay Black. Marahil ay nalaman na ni Black ang ginawa niya kay Bella. Naalala ko tuloy ang mga pinaggagawa namin ni Denise dahil sa aming ka-obsessan kay Jarvis. Nagsimula kami sa pag-stalk sa kanya, sa pagkuha ng mga pictures noong nalaman naming nakikipag-date si Jarvis. Si Denise ang naglagay ng mga picture sa bulletin ng Red Dragon University kung saan nag-aaral si Jarvis para maipaalam sa lahat na may babae na siya.

Hanggang sa lumipat na kami ng school para lang makasama namin si Jarvis. Sa sobrang obsess niya ay binalak niyang patayin si Bella. Ginamit niya pa ang helicopter ni Black na ipinahihiram para sa amin. Sinabi ni Denise sa akin na hindi niya talaga balak buhayin si Bella ngunit hindi siya nagtagumpay. Pagkatapos ng pangyayari ay pinasabog niya ang helicopter at pinalabas na nagkaroon ng aksidente kaya ito sumabog.