Chapter 30.1: Jealousy

Napabangon ako nang maramdaman ang init ng araw na tumatama sa mukha ko mula sa sinag ng araw  na tumatagos sa bintana ng kuwarto ko. Hinanap ng kamay ko ang cellphone ni Shaun na binigay na niya sa akin na nasa tabi ko lamang upang tingnan ko may natanggap ba akong mensahe mula sa kapatid kong si Frost. Pero, wala. Wala ni isa o palatandaan man lamang na natanggap niya ang mensahe ko.

Inilapag ko ang telepono sa side-table at bumangon. Inayos ko muna ang sarili ko bago lumabas at pumuntang kusina.

"Good morning Na-" bati ko sana kay Nana Belen ngunit natigilan ako ng hindi ang matanda ang nakita kong nagluluto sa kusina kundi si Shaun.

"Good morning Lex," nakangiting tugon ni Shaun sa akin. Bigla na namang nagtatalon ang puso ko.