"HI, Gie, napatawag ka?" masayang bati sa kanya ng kaibigang si Paloma na nasa kabilang linya. Naisip niya ang malaking ngiti nito."Wala, nangangamusta lang," kibit-balikat niyang sagot kahit pa hindi naman ito nakikita ng kausap."Kumusta ang nirireto ng lola mo? Nagkaharap na ba kayo?"Saglit siyang nag-isip kung sasabihin ba ang mga nangyari nitong nagdaang araw. Baka naman ay tuksuhin pa siya nito.Sasagot na sana siya sa tanong nang may biglang pumasok na tawag mula sa unregistered number. Akala niya'y missed call lang pero hindi pala. Na-curious tuloy siya kung sino ito."Pam, saglit lang. may tumatawag kasi kaya sasagutin ko muna," paalam niya sa kausap. Nagpaalam kaagad ang kaibigan at ito na ang kusang nagbaba ng linya."Hello?" pilit niyang inipit ang boses para cute pakinggan. "Mabuti naman at naisipan mong sagutin ang tawag ko," saad ng baritong boses na nasa kabilang linya.Hindi siya makapaniwalang si Martin ang may-ari ng baritonong boses na tum
"KULANG sa tubig," mga katagang namutawi sa bibig ni Martin. Nakaramdam siya ng hiya, kasabay ng pag-iinit ng mukha."Kulang sa tubig para maging lugaw." Kahit seryoso ito'y nakikita niya pa rin sa mata nitong hinahamak siya.Halos hindi siya makagalaw kanina dahil sa nakitang hitsura ng kanin nang buksan ang takip ng kaldero. Kung bakit kasi'y sobrang kuripot ng kanyang lola at hindi man lang naisipang bumili ng rice cooker. Naging lugaw tuloy ang kanin na niluto niya.Mas pinili niyang manahimik dahil ayaw mag-isip ng kanyang utak ng isasagot sa kaharap. Itinabi na niya ang kanin na nasa plato at binusog ang sarili sa ulam na dala ni Martin.Pero naubos ng lalaki ang kanin na nasa plato nito kahit pa nagmistula itong lugaw."Konting practice pa sa pagsasaing dahil kapag nagkataon, kawawa ang magiging asawa mo. Araw-araw kakain ng lugaw," tinutukso pa rin siya."Kaya hindi ako mag-aasawa," taas-kilay niyang saad."So anong gagawin mo kung ganoon?" walang-kurap m
"KAYA payo ko sa'yo dapat mag-aral ka ng magluto," pahabol na saad ni Katarina.Natanong niya ang sarili kung bakit ang hirap i-pleased ng Martin na 'yon. Pwede namang magkagusto na lang ito sa kanya at magkaroon na sila kaagad ng relasyon para kung magsawa man ay madali na lang ding maghiwalay.Pero sinupalpal siya ng sariling utak dahil ang nagsusumigaw na katotohanan ay seryosong relasyon ang gusto ni Martin.Pinukaw sila ng sunod-sunod na katok mula sa labas ng kwarto kaya binuksan ni Kat ang pintuan."Ate, pa-tulong," naiiyak na saad ng isang dalagitang babae nang makapasok."Katherine? Naaalala mo pa ba siya?" sa halip ay sagot ni Kat dito sabay turo kay Gieselle."Yes, of course," anas iyon na namutawi sa bibig ni Katherine pero narinig pa rin ni Gieselle."Hi, Katherine, ang laki-laki mo na. Last time I saw you nasa elementary ka pa eh," bati niya rito. Naalala niya noong high school pa lamang sila ni Kat at ito nama'y nasa elementary, siguro'y nasa ika-a
"HINDI ko nagustuhan ang suot mo kagabi, Gieselle. Mabuti na lang at nandiyan si Martin."Iyon ang isinalubong ni Lola Carmen pagkagising niya. Hindi siya sigurado kung anong oras na dahil abala na ang matanda sa pagbuburda. Mataas na ang sikat ng araw sa labas at ramdam na niya ang init nito sa loob ng bahay."Cosplay naman kasi ang pinuntahan ko, Lola, hindi kapilya," pamimilosopo niya at dumiretso na sa kusina."Kung hindi lang si Martin ang naghatid sa'yo kagabi, papagalitan talaga kita. Paano na lang kung mabastos ka kapag ibang lalaki ang kasama?" pangaral pa nito at sinundan siya sa kusina. Nagsalin ito ng salabat sa tasa at umupo sa kanyang tapat.Hindi na siya sumagot dahil puno ang bibig at ngumunguya ng toasted bread."Kumain ka ng kanin at gulay, Gieselle. Kaya ka patpatin dahil puro ka tinapay sa umaga," puna na naman ng matanda."Sexy ang tawag dito, 'La. Saka babawi naman ako mamayang tanghalian at ang budget ko ay tatlong plato.""At hindi ka rin
"GIESELLE, may bisita ka." Halatang hindi maganda ang timpla ni Lola Carmen. Hindi rin niya alam kung bakit. Mag-aalas dose na ng tanghali at kinatok siya nito sa kwarto. Katatapos lamang niyang maligo at nakabalot pa ng tuwalya ang kanyang basang buhok nang pumasok ito. "Sino po 'La?" Umasa siyang sana si Martin ito at yayain na naman siyang pumunta sa isa sa mga kaibigan nito. "Hindi ko kilala. Lalaki." At iniwan na siya nito sa kwarto. Kumunot ang kanyang noo at nag-isip kung sinong lalaki ang pwedeng bumisita sa kanya? "Magandang tanghali, Gie," bati sa kanya ni Mico nang madatnan niya sa sala. Nasa silyang malapit sa bintana si Lola Carmen at abala sa pagbuburda pero alam niyang ang tainga nito ay nakikinig sa kanila. "Ikaw pala. Paano mo nalaman ang bahay namin?" tanong niya sa dismayadong boses. "Nagtanong ako kay Martin." Napakamot ito sa batok. "Nag-text ako sa'yo pero 'di ka naman nag-reply. Tinawagan kita na pupunta ako rito pero 'di ka naman suma
"Hoy!" Sabay pitik ni Katarina ng kanyang daliri sa harapan ni Gieselle.Alas-kuwatro na ng hapon pero mainit pa rin kaya pumunta muna silang dalawa sa parke malapit sa simbahan.Sabado ngayon at walang pasok sa trabaho si Katarina kaya sinamahan siya nito. Dalawang araw na siyang natutulala simula nang nakausap niya ang mommy ni Martin.Pumangalumbaba siya at nakatanaw sa kawalan na tila walang narinig mula kay sa katabi."Ano ba kasing pinagda-drama mo riyan? Share mo nga sa 'kin." Sumubo ito ng cotton candy."Kasi ang mommy ni Martin may pa-warning na. Malabo namang manligaw sa 'kin ang anak niya," naka-nguso niyang saad."Baka naman kasi may balak. Hindi naman mababanggit 'yon ng mommy niya kung wala.""Pa-virgin din 'tong si Martin eh. Sobrang pakipot. Jowang-jowa na ako sa kanya siya naman 'tong panay ang pahabol." Lumamon na rin siya ng cotton candy."Speaking of Martin," bulong ni Katarina sabay kuha ng cellphone sa sling bag nito, "ito tingnan mo.""So
"GANOON BA?" mahinang usal ni Gieselle nang marinig ang dahilan kung bakit hindi makapupunta si Mico sa kaarawan ng isang kaibigan nila."That's why your coming with me," hindi iyon anyaya, utos iyon na hindi pwedeng baliin."Pag-iisipan ko pa." Sinadya niyang tingalain ang mukha ni Martin upang malaman kung ano ang magiging reaksiyon nito."What? Bakit mo naman pag-iisipan? You're safe kapag ako ang kasama mo."Iyon nga ang inaalala niya. Masyado itong maginoo na halos hindi na marunong lumandi."Saan ba gaganapin ang birthday celebaration ni Adrian?""Sa isang inland resort. Kaya nga sumama ka na para hindi ka na magtanong."Ito pa ang nag-aya pero ito pa ang nayayamot. Nagkibit-balikat siya bilang tugon sa lalaki."Is it a yes then?" paninigurado nito.Tumaas ang kanyang dalawang kilay. Kung kailan umiiwas na siya sa lalaki ay saka naman ito lumalapit. Ayaw niyang mag-assume dahil baka nga-nga naman pala siya sa bandang huli. Pero pangako niya sa sarili'y hu
SINALUBONG ni Martin si Gieselle nang lumabas na ito ng kwarto. Sabado na at kagaya ng napag-usapan nila'y pupunta sila sa kaarawan ni Adrian. Kinuha kaagad ng lalaki ang dala niyang bag lalo't may kabigatan ito. "Ingat kayo mga apo," kumakaway na sabi ni Lola Carmen nang ihatid sila sa labas. Hindi na niya kailangang pilitin ito upang payagan siya sa dadaluhang kaarawan lalo't si Martin naman ang kanyang kasama. "Pwede kang matulog habang nasa biyahe pa tayo," sabi ng binata nang medyo nag-preno ito sa may rotonda. Disiplinadong driver iyon ang napansin niya sa lalaki. Dahan-dahan namang pinausad nito ang sasakyan at sobrang gwapo lang nito habang nagmamaneho. Naka-itim na fit T-shirt at cargo shorts, pinarisan ng topsider shoes. Itinatago ng suot na rayban ang mapilantik na pilik-mata pero kitang-kita niya ito mula sa inuupoang passenger seat. Napakapit tuloy siya ng mahigpit sa seatbelt dahil baka masunggaban niya ito. "No. Ang unfair naman kung tutulugan