Buhay Ko ang Kabayaran sa Utang

Noong araw na iyon, sinamahan ko ang asawa ko, si Ethan Sadler, papunta sa kanyang check-up at nalaman namin na malapit na siyang makakita ulit. Iyon din ang araw na sinabihan ako ng nanay ko, si Roxanne Miller, na umuwi.

Inutos niya ng may malamig na ekspresyon, "Heidi, hiwalayan mo si Ethan para mapakasalan siya ni Rosie.”

Wala akong sinabi, nagulat ako sa kung paano niya nagawang sabihin ‘yun.

Noong hindi ako pumayag, ang tatay ko, si Richard Talbot, ay dinuro ako. Sinabi niya, “Huwag mong kalimutan, Heidi Talbot, fiance siya ni Rosie noong umpisa. Hindi ka karapatdapat na maging asawa niya. Huwag mong tatangkain na panghawakan ang kasal niyo!”

Tinitigan ko sila at ang nakababata kong kapatid, si Rosalie Talbot, na nakasandal sa kanilang mga bisig, at mukhang mahina.

Isa itong kalokohan para sa’kin.

Totoong engaged si Ethan kay Rosalie noon. Gayunpaman, hindi gusto ng mga magulang ko na ikasal siya sa isang bulag na lalaki noong aksidenteng nabulag si Ethan. Iyon ang dahilan kung bakit pinutol nila ang engagement.

Sa hindi inaasahan, umunlad ang negosyo ng Sadler family habang nagsimula namang bumagsak ang sa amin. Dalawang taon na ang nakakaraan, nagkaroon ng malaking utang ang pamilya namin at kinailangan naming humingi ng tulong sa Sadler family.

Dahil sa pagkabulag niya, nagsimulang magkaroon ng malalang allergic reaction si Ethan sa mga babae. Kapag may babaeng nasa anim na talampakan ang layo mula sa kanya, nagkakaroon ng rashes ang buong katawan niya, at sumasama ang pakiramdam niya.

Ang tanging mga babae na hindi siya allergic ay kay Rosalie at sa akin. Dahil lumaki kaming tatlo ng magkakasama, hindi siya allergic sa’min.

Noong hiniling ng Sadler family na tuparin namin ang engagement, isinakripisyo ako ng pamilya ko ng walang pag-aalinlangan.

Pinilit nila akong pirmahan ang prenuptial agreement. Pagkatapos ay pinarehistro namin ni Ethan ang kasal namin.

Nakatanggap ang kumpanya ni Dad ng 20 milyong dolyar mula sa Sadler Group. Samantala, wala akong natanggap na kahit ano mula sa magkabilang partido para sa kasal ko kay Ethan.

Gaya ng isang produkto, inihanda ako at dinala sa Sadler residence.

Ang pinakamalaking kalokohan pa dito ay sa sobrang konti ng mga gamit ko ay sapat na ang isang maleta para sa’kin, kahit na tumira ako sa bahay na iyon ng 20 taon.

Dahil minsan nang pinutol ng pamilya namin ang engagement kay Ethan, ang parents-in-law ko, si William Sadler at si Brianna Ford, ay galit sa’kin.

Para sa kanila, isa lang akong gamit na nabili nila mula sa Talbot family upang dalhin ang mga anak ni Ethan, habang ang tingin ni Ethan sa’kin ay kapalit lamang ako ni Rosalie. Ngunit tumangging magpakasal sa kanya ang pinakamamahal niyang Rosalie dahil bulag siya!

Kahit na habang nagtatalik kami, paulit-ulit niyang tinatawag ang kanyang pangalan.

Sa tahanan ng mga Sadler, parang full-time maid niya lang ako, na nag-aasikaso sa mga pang araw-araw niyang pangangailangan.

Dahil sa kondisyon niya, malas magbago ang mood niya. Mas gusto niyang magkulong sa kwarto niya buong araw at naninigarilyo siya upang wala siyang maramdaman.

Habang inaasikaso ko siya, bigla niyang tinututok ang sigarilyo niya kung nasaan ako at idinidiin niya ito sa katawan ko. Minsan nag-iiwan ito ng butas sa damit ko, at minsan naman ay nag-iiwan ito ng mga peklat sa katawan ko.

Kahit ako ay hindi na mabilang kung gaano karaming peklat na ang mayroon ako, dahil minsan ay pumapatong ang mga bagong peklat sa mga luma na at bumubuo ito ng mga bagong peklat.

Masama ba ang loob ko? Oo anman, ngunit hindi ako nangahas na magsalita tungkol dito dahil wala akong kakampi na kahit sino.

Naisip ko bang lumaban? Gusto kong gawin ‘yun, ngunit kapag ginawa ko ‘yun, kayang durugin ng Sadler family ang pamilya ko ng walang kahirap-hirap.

Hindi ba iyon ang dahilan kung bakit ako ipinadala sa kanila? Upang pasayahin si Ethan at ang pamilya niya?

Naaalala ko ang unang beses na pinaso ako ni Ethan ng sigarilyo niya. Habang umiiyak ako, tinawagan ko si Mom, sinabi ko sa kanya na natatakot ako at malubha ang mga sugat ko.

Subalit, kinagalitan niya ako sa phone. “Heidi, masama lang ang loob ni Ethan. Tiisin mo lang ito at lilipas din ito. Sinasabi ko sayo, huwag na huwag mong gagalitin ang mga Sadler.”

Sige. Tiniis ko ito. Ng walang reklamo, ginampanan ko ang papel ko.

Sa mata ng publiko, ako ang kahanga-hangang Mrs. Sadler. Gayunpaman, ang hindi nakikita ng kahit na sino, ay isa lang akong puppet na sinasaktan ni Ethan kung kailan niya gusto.

Dahil hindi pa ako nabuntis pagkatapos akong maikasal sa kanya sa loob ng matagal na panahon, paulit-ulit akong ininsulto ni Brianna dahil sa pagiging baog.