Chapter 29

Lance's POV

LUMABAS ako ng silid ni Sab dahil ayokong makita niya ako sa ganitong kalagayan. Sa sitwasyon kung saan nadudurog ang pagkatao dahil sa nakaraan ng aking pamilya na hanggang ngayon ay buhay na buhay sa aking alaala.

Dumiretso ako sa sasakyan at pinasibad ng takbo pauwi sa hotel na pag-aari ng aking pinsang si Rafael.

Padabog kong isinarado ang pintuan at dumiretso sa mesa na may alak. Inisang tungga ko ang isinalin sa baso. Gumuhit ang tapang nito sa aking lalamunan hanggang sa tiyan pero mas masakit pa rin ang nalaman ko ngayon. Mas pinili ni Sab na maniwala sa sinasabi ng ibang tao kaysa manghingi ng pa