CHAPTER TEN

Abala si Alec sa pag-aayos ng mga papeles na nakatambak sa ibabaw ng kanyang mesa. Naipon na ang mga iyon dahil naging abala siya nitong mga nakaraang linggo. Isang impormasyon ang nakarating sa kanya ng bukod sa grupo ng sindikato ay mayroon pang ibang naghahangad sa kuwentas. Isang malakas na puwersang alam ni Alec na na magpapahirap sa kanya para magawa ang misyong ibinigay sa kanya ni Caelan.

Isinalansan niya nang maayos ang mga folder na. Naglalaman ng mahahalaga at confidential na impormasyon. Inilagay niya ang mga folder na naglalaman ng malalaki at mabibigat na kaso sa loob ng steel cabinet. Hindi p'wedeng nandoon lang mga iyon sa ibabaw ng mesa niya.

Sunod niyang inayos ang mga librong nagulo ni Kathleen noong naroon pa ang babae sa Hunters' Cavalry Camp.

Biglang natigilan si Alec nang maalala ang makulit na babae. Mahigit dalawang linggo na ang nakalipas simula nang huli niyang makita sa Kathleen sa train station