KABANATA 34

CHAPTER 34

PUTING dingding at kisame ang sumalubong sa akin nang imulat ko ang mata. Kahit hindi ako magtanong ay alam kong nasa ospital ako. Pumikit ako ulit saka ibinuka ang mata para sanayin sa liwanag. Tumihaya ako at nilingon ang kaliwang bahagi ng kama. Walang tao maliban sa akin pero may mga prutas na nakalagay sa ibabaw ng lamisitang nandoon. Nasapo ko ang noo nang sinubukan kung alalahanin ang mga nangyari kanina. Dugo na umagos sa aking hita bago ako nawalan ng malay. Pagpihit ng door knob ang sunod kong narinig kaya dumako ang mata ko sa pintuan. Bumukas ito at pumasok ang doktor kasunod si Arken.

"Magandang hapon, Mrs. Fernandez," bati sa akin ng may edad na babae.

"I'm Dr. Camacho at ako ang ob-gyne na tumingin sa'yo kanina. Kumusta ang pakiramdam mo?" tanong niya habang tumayo sa gilid ng kamang aking hinihigaan.

"Maayos na naman po, Doc. Wala na ang sakit sa puson pero nakakaramdam pa rin po ng pagod," sabi ko sa totoo.

Tumango siya