Chapter 3

Zephyra Zamora

"Kailan ka pa nagka-interest nang ganito sa isang babae, Zephyra?"

Sumimsim siya sa kanyang alak bago binalingan ng isang stoic na tingin ang kanyang kaibigan at right hand na si Hellena.

"Perhaps this is the first time?" simple pero sopistikadong sagot niya. Mayaman pakinggan dahil mamahalin din ang nagbigkas.

Napag-alaman ni Zephyra na kaibigan at kasosyo niya sa negosyo ang may-ari ng Call Girl, kaya nagawa niyang pakialaman ang schedule ni Alora. Hinaharang niya ang bawat kliyenteng nagtatangkang mag-book dito. Ang dapat sanang kinikita ng call girl ay siya mismo ang nagco-cover up. Binabayaran niya ang agency, pero hindi napupunta kay Alora kahit limampung porsyento nito dahil wala naman itong tinatanggap na booking.

"Gumagastos at nagsasayang ka ng pera para sa hampaslupa na 'yan," prangkang sabi ni Hellena. Hindi niya rin nagustuhan ang rejection na ginawa ni Alora kay Zephyra.

Iyon ang kauna-unahang rejection na natanggap ni Zephyra sa buong buhay niya.

Uminom lang muli si Zephyra mula sa kanyang baso. Binalikan ng kanyang memorya ang gabing hindi niya makakalimutan kailanman. Ngayon lang siya ganap na naakit at nag-enjoy nang husto sa isang babae. Ni minsan ay hindi pa siya umuulit sa parehong tao—isang beses lang kung angkinin ni Zephyra ang bawat babaeng matipuhan niya, at kadalasan ay hanggang doon na lang iyon dahil agad siyang nagsasawa.

Kaya hindi niya maunawaan sa sarili kung bakit matindi ang pagnanais niyang maramdaman at mahawakang muli ang babaeng iyon. Higit sa lahat, ang tuluyan itong maangkin.

"Alora won't get anything as long as she keeps rejecting me," malamig at buong awtoridad niyang binitiwan ang mga salita.

Hindi naging maganda ang kutob ni Hellena sa naririnig. Mawawala sa focus si Zephyra, at isang malaking distraction ang call girl na iyon sa kanyang boss. Tiyak na makakaapekto ito sa bawat transaksyon nila pagdating sa kanilang mga underground businesses.

Nagdaan pa ang ilang araw at hindi na makapagtimpi si Zephyra. Mali siyang minaliit ang babaeng iyon. Patuloy ito sa pagtanggi sa kanya, kaya naman tila mas lalong tumindi ang kanyang desire na makuha si Alora sa kahit anong paraang maisip niya. At sino nga ba ang babaeng ito na may lakas ng loob na tanggihan ang isang Zephyra Zamora?

Huminga siya nang malalim habang ang tingin ay nakapako sa kawalan. Kasalukuyan siyang nasa balcony ng kanyang kwarto, hawak ang bote ng paborito niyang alak. Kinuha niya ang phone na nasa mesa at isang tao ang tinawagan.

"Yes... Triple her price." Iyon lang, at tinapos na niya ang usapan.

Napabuntong-hininga siya at napahaplos sa kanyang leeg nang makaramdam ng matinding pag-iinit sa tuwing maglalaro sa kanyang isipan ang mga naging eksena nila ni Alora noong unang gabi nila.

Alora Andrade

Samantala, unti-unti nang pinanghihinaan ng loob si Alora dahil paubos na ang kanyang cash, lalo pa at napakamahal ng mga gamot ng kanyang kapatid. Ang bawat bill nito sa paglagi sa ospital ay patuloy na tumatakbo, nadadagdagan, at lumalaki.

Napaka-rare ng sakit ng kanyang kapatid, kaya naman nagsilbi na talagang bahay ni Arhon ang ospital. Wala siyang magagawa dahil sa oras na iuwi niya ang kapatid, malalagay sa matinding alanganin ang buhay nito.

"Fuck, Arya!" Bumalik siya sa kaibigang receptionist ng Call Girl. "It's been a month! Impossible na 'to!" Ayaw man niyang mapagbuntunan si Arya, pero desperada at frustrated na talaga siya. Nauunawaan naman ito ng huli.

Pakiramdam ni Alora, sunod-sunod na ang kamalasan sa buhay niya.

Tumingin muna sa paligid si Arya bago tinignan nang makahulugan si Alora. Nakuha agad ni Alora ang nais ipahiwatig ng kaibigan.

"May nakuha akong information mula sa itaas. I don't know, Alora... but someone who has excellent power and connection to the owner has been blocking your bookings."

Nagtiim ang bagang ni Alora. Isang tao lang ang sumagi sa isip niya na pwedeng gumawa ng lahat ng ito. Pero ganoon ba talaga kamakapangyarihan ang babaeng iyon?

"It's her, Arya," garalgal ang boses niyang naisatinig ang mga salita nang mag-sync in sa utak niya ang buong sitwasyon. "I think she's doing all of this to punish me for declining her bookings."

"Who? Ms. Zamora?" Nag-aalala na si Arya dahil may alam siya sa background ng naturang babae. "Lagot na, Alora. Hindi basta-basta si Ms. Zamora. Isa siyang mapanganib na tao."

"Bakit ngayon mo lang sinasabi?" Pumaskil ang matinding takot sa mukha ni Alora.

"Hindi ko naman inakalang aabot sa ganito. At kung tama ang hinala mo na siya nga ang dahilan kung bakit ka nawawalan ng bookings... siguro dapat mo na siyang harapin, Alora."

Umiwas ng tingin si Alora habang humihinga nang malalim. Paano niya gagawin ang bagay na iyon? Ayaw na niyang makita pa ang mukha ng babaeng iyon. Nasusuka siya sa tuwing naaalala ang namagitan sa kanila. Nadidiri siya nang husto, at hindi niya kayang isipin na magku-krus pa ulit ang landas nilang dalawa.