Chapter Thirteen

Nang payapa na ang utak ko ay saka lang ako nagmulat ng mga mata. Sya namang pagpasok ng kagabi pa bumabagabag sa utak ko. Kinuha ko ang cellphone mula sa bulsa at tinignan ang location kung nasaan na ang tracking device.

Kumunot ang noo ko nang nasa bahay ito nila Atasha. Hindi na ako nagdalawang isip na patayin ang device at hayaan na lang dahil hindi ko na iyon kakailanganin. Hindi ko alam kung dapat ba akong magtaka o hindi. Kaya mas minabuti kong hindi na muli pang pahanahin 'yung device.

"What's that?"

Tumalon ang cellphone ko sa sahig dahil sa gulat nang bigla na lang may nagsalita. Nakipag agawan ako sa pagpulot ng phone ko dahil balak pulutin iyon ng lalaki. Hindi ko man lang ng ito pinadaplisan daliri nya. Sa sobrang busy ko yata kanina kaka-pindot ay hindi ko na napansin ang bulto nya.

Tumingala ako upang makita ko kung sino.

"I'm sorry, nagulat ba kita?" Ilang ang ngiting ibinigay nya.

It was Seth.

"Uh, medyo." Pilit akong ngumiti at itinago agad ang phone sa likod ng pantalon ko.

Sumama ang tingin nya roon ngunit hindi nagtagal dahil agad syang tumingin sa muka ko. Tinignan ko kung may bahid na pagdududa sa kanyang mga mata ngunit wala. Hindi nya siguro masyadong nakita kanina.

Para akong nakahinga ng maluwag dahil doon nang hindi nya tinanong kung ano ang ginagawa ko sa phone. At kung tanungin man nya, paniguradong magsisinungaling lang din ako.

"Sky right?" Malapad na ang ngiti nya ngayon.

"Yeah." Bahagya akong ngumiti at pinahalatang nahihiya.

Siguro kung may award lang 'tong ginagawa ko ay ako na ang best actress of the year.

"You don't remember me." Ngumuso sya at pumamulsa. Hindi ko alam kung nagtatampo ba 'to, nagpapalambing o ano eh? Ha! Ano sya boyfriend ko? Suyuin mo sarili mo lul.

"I'm Seth, Zack and Atasha's friend, you're their classmates right? Same course."

Ngumiti ako at tumango.

"What brought you here? Nag-uumpisa na ang klase nyo ah?" Concerned ba 'to o hindi? Kasi kung makangiti ay wagas.

At saka bakit nga ba ako nandito? Parang nawala bigla sa utak ko kung bakit ako rito dumiretso. Lumikot ang mga mata ko dahil hindi ko malaman kung ano ang isasagot ko.

"Uh, ano... m-magpapahangin lang sana." Napangiwi ako sa isinagot ko. Halatang hindi ako nagsasabi ng totoo.

He chuckled. "E-eh ikaw? Bakit ka nandito?" tanong ko para mailihis ang usapan.

"Para siguro makita ka." Nagkibit sya ng balikat saka ngumisi.

Ngumuso ako sa sinabi nya. Kikiligin na ba dapat ako? Tsk! Wala naman sa vocabulary ko 'yan eh.

"Just kidding, dito ako madalas tumatambay." Bawi nya saka tumawa.  Napansin nya yatang hindi ako tinablan nung banat nya.

Tinuro nya pa ang kumpol ng upuan malapit sa pintuan. I guess, doon sya nahihiga. Kaya siguro pagbukas ko pa lang kanina sa pinto ay napansin na nya ako.

Tumango ako. "Uhm, naistorbo ba kita?" nahihiya kong tanong. Syempre kailangan magpabebe.

"Nope. Actually I'm glad na naisipan mo ritong magpunta." Ngumiti sya ng malapad.

"You are?" Gusto kong maging sarcastic sa pagkakatanong ko niyon ngunit pabebe ko iyong naibigkas.

He chuckled. "Of course," agad na sagot niya.

"Uhm, bababa na rin siguro ako." Kumamot ako sa ulo.

"Hatid na kita," alok nya.

"Ha? Hindi na."

"Hindi ako tumatanggap ng 'hindi' na sagot." Ngumisi sya at naunang naglakad papunta sa pinto. Saglit pa akong nahinto nang hintayin nya ako roon mismo.

"Let's go." Doon lang ako natauhan kaya sumunod na lang ako sa gusto nya.

Well hindi rin ako 'yung tipong mapapa-sunod mo na lang dahil kagustuhan mo. Ibahin mo ako Seth, dahil acting lang ang ginagawa ko. Parte lang ito lahat ng plano.

Sinamahan nya nga ako hanggang sa tapat ng room ko. Sya na ang kumatok sa pinto at nagbukas nito. Nabaling sa amin ang tingin nilang lahat.

Lihim akong napangiti dahil sa akin na naman ang atensyon. Sana mapansin ni Zack. Gumawi ang mata ko sa upuan nya, nakita ko ang talim at dilim ng tingin nya.

Bakit ganyan 'yan makatingin? Inaano ko sya?

Ibinaling ko ang tingin sa prof na ngayon ay kausap na si Seth.

"Sorry Sir, nagkaroon po kasi ng emergency kaya na late si Sky," paliwanag nya. 'Di ko alam kung bakit sya pa ang nagpapaliwanag kung pwedeng ako na lang. Akala ko ba hatid lang?

"I'm sorry but I can't let you in, you're late." Bumaling sa akin ang tingin ng prof.

Napangiwi ako sa kanyang sinabi.

"Sorry sir, bawi na lang po ako bukas," hingi ko ng pasensya.

Saglit pa akong napatingin sa gawi nila Zack. Ganon pa rin ang tingin nya, pero ngayon ay kay Seth na nakatingin.

Isinarado ni Seth ang pinto nang bumalik ang prof sa pagtuturo.

"So, where do want to go?" tanong nya nang hinarap ako.

"Sa cafeteria na lang."

"Alright, cafeteria then." Inilahad nya ang daan para iparating na mauna akong maglakad.

Ngumiti ako ng tipid bago naglakad.

"What do you like?" tanong nya nang nasa cafeteria na kami.

"Libre mo?" Natatawang biro ko.

"Yes." He chuckled. Natuwa yata sa sinabi ko o sadyang masayahin lang talaga sya?

"Milk tea lang."

"Alright."

Dumiretso ako sa upuan. Sya naman ay pumila na. Pumangalumbaba ako at nag isip ng panibagong paraan para mapansin ni Zack. Kung pwede ko lang syang diretsuhin na, "Zack, pwede ka bang maging kaibigan?" Nung una pa lang siguro ay ginawa ko na. Masyado kasi yatang mabilis ang galaw ko kung ganon ang gagawin ko. Kailangan kong unti-untiin. Kung kailangan palagi akong makipag-plastikan kay Atasha ay malugod kong gagawin. Mapalapit lang ng husto kay Zack.

Speaking of Zack, since sabi ni Seth ay friend nya ito ay pwede kong gamitin si Seth para mapalapit kay Zack. Muka namang pala-kaibigan itong si Seth kumpara kay Atasha eh. Muka ring mabait at masiyahin.

Kailangan kong maging super close sa kanya. Tanging paraan na lang na naiisip ko dahil masyadong masungit para sa akin si Atasha. Sa ugali nyang iyon ay ilalayo nya pa ako kay Zack.

"Here you go." Inilapag nya ang tray ng mga pagkain.

Ngumiti ako at nagpasalamat. Kinuha ko ang milk tea. Marami syang biniling pagkain pero 'yung milk tea lang ang kinuha ko.

"What do you like?" Pinapili nya ako ng burger at fries.

"Hindi na, okay na 'to sa 'kin," tanggi ko.

Hindi nya pinakinggan ang sinabi ko at inilapag sa harap ko ang burger katabi ng milk tea.

Nagbuntong hininga ako at uminom na lang ng milk tea.

"For sure may klase na rin kayo," pag-uumpisa ko ng usapan.

"I don't mind." Nagkibit sya ng balikat saka ngumiti.

"You said earlier that you're friends with Zack and Atasha, right?" pag-uumpisa ko ng usapan saka ako ngumiti.

Bumalik ang kanyang mata sa akin pagkatapos nyang sumubo sa fries.

"Yes, why?" Tinitigan ko muna sya. Tinatantiya kung may bahid na pagdududa ngunit ang nakita ko lang ay ang pagtataka at ang kagustuhan nyang malaman ang kasunod na sasabihin ko dahil sa pag-uumpisa ko ng usapan.

"You know, dahil bago lang ako sa school... I need atleast one or two friends, gusto ko sanang maging kaibigan sila Atasha pero mukang ayaw nya sa akin kaya nahihirapan akong makipag close sa kanila." Ngumiwi ako sa sinabi ko. Of course kailangan kong sabihin 'yan kung gusto kong kunin ang loob ni Seth.

Tumango-tango sya sa sinabi ko.

"Okay, I get it. You want to befriend with them? Hmm, in that case I understand why Atasha didn't like you." Ngumisi sya at umiling. Kumunot ang noo ko at nagtataka syang tinignan.

Alam ko naman na ang dahilan pero kailangan kong magpanggap na walang alam.

"Bakit? Pangit ba ako?" Natawa sya sa sinabi ko.

"No, no. Not that," agad na tanggi nya habang natatawa.

"Eh ano?" Ngumuso ako.

"Ayaw nya na may ibang babaeng naka-aligid sa kanilang dalawa ni Zack, selosa 'yon." Humalakhak sya.

"Huh? Sila ba? Sorry I didn't know." Pilit akong ngumiti sa itinanong.

Parang ayaw kong marinig ang anumang isasagot ni Seth kung sakali. Agad kong binuksan ang burger at kinagatan iyon ng malaki habang naghihintay sa isasagot nya. Parang ninenerbyos ako sa hindi ko malamang dahilan.

"No, they're not in a relationship. But their feeling is mutual, that's what I only know." Nagkibit sya ng balikat.

Nahirapan akong lunukin ang kinakaing burger kaya mabilis kong kinuha ang milk tea at ininuman. Nasamid pa ako sa sobrang pagmamadali kaya inubo ako.

"You okay?" alalang tanong ni Seth. Kulang na lang ay tumayo sya at umupo sa tabi ko upang tapikin ang likod ko.

"Okay lang." Ngumiti ako para matanggal na ang pag-aalala sa muka nya.

"I can be your friend." Sa sinabi niyang iyan ay halos tumalon ang puso ko sa sobrang saya. Kung magiging friend ko nga sya ay mapapalapit pa rin ako kila Zack. Magiging kaibigan ko pa rin sila dahil kaibigan nila si Seth.

Ngumiti ako ng malapad at nagningning ang mga mata.

"Talaga?" tuwang tuwa kong itinanong.

"Yup."

Ito na ang magiging unang hakbang. Kapag napalapit ako ng husto kay Seth ay malaki ang tiyansa na pagkatiwalaan ako ni Zack. And 'pag nangyari iyon ay makakasama na ako sa mga pinupuntahan nila at makakarinig ng kwento.