Chapter 25

Nadia's Point Of View.

Nang huminto ang taxi ay mabilis akong bumaba pag katapos kong mag bayad. Mukhang may mga kasabay akong dadalaw din kaya sumabay ako sa kanila. Sa dami ng mga taong dadalaw din ay kailangan pa naming pumili, habang nasa pila pa lamang ako ay nararamdaman ko na ang panginginig ng kamay ko.

Hindi tulad ng mga ibang nakapila, napansin ko na ang iba sa kanila ay may dalang mga pag kain mayroon din namang wala katulad ko. Sa susunod na dadalawin ko si papa ay mag dadala na ako ng pag kain. Hindi ko na kasi naisip mag dala dahil ang nasa isip ko lang ang makita siya.

Maraming nag lalarong mga tanong sa isip ko, katulad ng paano kung hindi niya na ako kilala? Bata pa lang ako noong huli niya akong nakita.

Lumipas ang ilang oras ay ako na ang kasunod na papasok.

"Anong pangalan ng dadalawin mo?" tanong ng isang lalaki sa akin.

"Nero Helquino," sabi ko at tinignan naman ako ng lalaki na parang gulat siya. Bakit?

"Anak ka ba niya? Ikaw pa lang ang unang dumalaw sa kanya