Chapter 36

Nawala si Skire dahil pinairal niya ang emosyon habang nasa isang misyon. Paulit-ulit na nag-pi-play sa utak ko ang sinabing iyon ni Knight. Ito ang unang pagkakataon na binanggit ang pangalan niya sa akin. Bukod doon ay wala na siyang iba pang nabanggit sa kung paano namatay si Skire. Mabilis na kasing hinila ni Zid ang kamay ko palabas.

Mula sa gilid ko ay nakikita ko ang mga simpleng sulyap sa akin ni Zid. Habang ako naman ay nakatuon ang atensyon sa labas ng sasakyan. Nasa byahe na kami pauwi. Bukas ko na lamang kakausapin si Knight at ang iba pang myembro upang humingi ng tawad.

“Are you hungry?” tanong niya.

Hapon na subalit hindi pa din kami kumakain ng pananghalian. Umiling ako sa kan’ya dahil hindi ako nakakaramdam ng gutom. Matapos ang nangyari kanina ay nawalan ako ng ganang kumain.

“I’m sorry for shouting at you earlier. It’s part of the act. Ayokong isipin ni Tere na magkakasama tayo baka magduda siya. Lalo