Chapter 65

Wala akong ideya sa magiging hakbang ni Tita Elvira ngayong alam niya nang anak ako ni Orca Lapuz. Ang mahalaga ngayon ay kasama ko si Zid sa misyon at wala siyang pagkakataon upang makausap ang anak ukol dito. Ayokong sa iba pa ito malaman ng aking nobyo.

Plano ko na naman na sabihin ito kan’ya. Gusto ko lang na matapos muna ang misyon upang makapagtrabaho kami nang maayos.

“Mr.  Martinez’s son, Drix, will be having his birthday party tonight at the Crack’s Bar. Talasan n’yo ang inyong mga mata at pakiramdam, sigurado akong gagamit sila ng party drugs,” ani Knight habang nasa main headquarters kami.

Magpapanggap ako bilang kaibigan ng isa sa mga kasamahan niya sa car racing na si Jerson. Isa siyang police secret agent at matagal niya nang minamanmanan ang pamilya ni Mr. Martinez.  Makikipagtulungan kami sa kanila upang mapadali ang misyon.

Kinagabihan ay inihatid muna ako ni Zid sa isang tagong lugar malapit