Chapter 64

Hindi ko na maibabalik ang nakaraan pero marami pa akong pagkakataon para gawing maayos ang aking buhay sa kasalukuyan.

Inayos ko ang pagkakatali ng aking buhok sa harapan ng salamin. Kakauwi ko pa lamang galing sa hideout. Bukas na ang huli naming paghahanda para sa misyon.

Sigurado akong mahirap ang misyon na ito dahil matinding pag-eensayo at pagpaplano ang aming ginawa.

Inihatid lamang ako kanina ni Blue sa bahay dahil busy si Zid na tapusin ang trabaho sa opisina.

Ako nama'y nagsimula nang mag-ayos sa loob ng bahay dahil matagal-tagal din akong mawawala. Itinago ko ang ilang mahahalagang papeles sa aking maleta at nilagyan iyon ng lock.

Alas sais na nang gabi. Hindi na ako naghanda pa ng dinner dahil hindi kami magkakasabay kumain ngayon ni Zid. Marami pa raw siyang tatapusin na trabaho. Bagay na nauunawaan ko dahil hindi naman alam ng kan'yang mga magulang ang pagiging undercover age