Chapter 54 Heartless

Bahagya kong pinunas ang mga luhang nangingilid sa aking mga mata. Ang lungkot lungkot ng nararamdaman ko.

Tama si Ann. Kailangan naming magsumbong sa mga pulis. Hindi ko kakayanin ang mag-isang lumaban! Kailangan naming mailigtas ang anak ko sa tamang paraan.

Wala na akong ibang maisip kaya pinuntahan ko si Lucas. Siya ang ama ni Andrie. Kailangan ko ang tulong niya para sa anak namin.

Kailangan siya ngayon ni Andrie bilang ama. Wala akong pakialam kung may asawa na siya. Ang tanging hiling ko ay magtulungan kami para kay Andrie. Para sa anak namin.

Biglang gumulo sa isipan ko ang mga sandaling magkasama kami ni Lucas. Mga sandaling niyayakap niya ako. Halos ayaw na niya akong bitawan nang mga sandaling iyon.

Mga sandaling pinanggigigilan niya ako habang nakangiti. Mga ngiti niyang nakakalunod pagmasdan. Mga sandaling gusto naming ihinto ang oras para sa isa't isa.

Mga lambing niyang hindi ko kayang takasan. Mga haplos niyang marurupok. Mga sandaling hindi ako makawala sa mga bisig n