Chapter 28

“Hindi ko tinalikuran ang aking asawa't anak. At lalong hindi ako ang pumatay sa aking mga magulang.” Mariing dinipensahan ni Ama ang kaniyang sarili laban sa mga bintang sa kaniya ni Dolus.  Marahas niyang naikuyom ang kaniyang mga kamay at nagngingitngitan ang kaniyang mga ngipin.

“Hahaha! Kasinungalingan. Kung hindi—” Napatigil si Dolus sa kaniyang sinasabi nng biglang sumabat si Acanta. Nagulat kami sa ginawa ng babae ngunit minarapat naming makinig sa kaniyang sasabihin.

“Ikaw ang pumatay sa kanila, Dolus. Nagpanggap kang si Ardor para linlangin ang aking kaniyang mga magulang. Nang makalapit ka sa kanila, agad mo silang sinaksak patalikod. Nakita ni Empress Lumia ang iyong ginawa at inakala niyang ang kaniyang kapatid ang may gawa no'n. Mabilis kang umalis at pinalabas na umuwi noon si Ardor sa kaniyang mag-ina. Sumugod si Empress Lumia sa kanilang tahanan na naging ugat ng kanilang hidwaan. Ikaw ang puno't dulo ng lahat,&