Chapter 29

Ilang minuto na ang nakalilipas, ngunit wala pang anumang aksiyon ang sumunod na ginawa ni Dolus. Ano ang kaniyang plano? Balak ba niyang pahirapan muna kami nang sobra, bago patayin? 

Nakahanda na ang sarili kong mamatay. Tanggap ko na ang aking magiging katapusan. Ano pang hinihintay niya?

Mariin kong naipikit ang aking mga mata ngunit agad din lang akong nagmulat. Bigla akong napapitlag at nagulat nang sumigaw si Caya. Napadako ang tingin ko sa kaniyang gawi. Boses pa lamang ay alam kong umiiyak na siya, at hindi naman nga ako nagkamali.

“Hindi lahat ng bagay ay kaya mong kontrolin. Hindi lahat. Hindi ang aming tadhana o buhay. Hindi ang aming pagkakaibigan. Hindi ang aming relasyon sa isa't-isa. Hindi ang aming pagmamahal para sa mga taong gusto naming protektahan. Hindi mo kayang kontrolin ang mga bagay na iyon, Dolus. At hanggang hindi mo iyon nagagawa, hindi ka magiging malakas!” mahabang litanya ni Caya, kahit namamaos na ang kaniyang bo