Chapter 6

Ilang beses kong naikurap ang aking mga mata habang nakatingin sa puting kisame. Teka, paano ako napunta sa aking kuwarto? Iba na rin ang aking suot na damit.

Inaalala ko ang mga pangyayari. Kanina lang ay nasa malawak akong bukirin kasama ang ibang Celestial Zodiacs. Tapos-- Napaigtad ako sa aking kama at napaawang ang aking bibig. Nanlalaki rin ang aking mga mata. Napapatulala! Anong nagawa ko?

Sigurado akong nasaktan ko siya. Mabilis akong lumabas sa aking kwarto at sakto namang nasa sala si Caya. Nakaupo siya sa may sofa.          

“Sam, buti naman at gising ka na. Ayos ka na ba? Kumusta ang pakiramdam mo?” bungad niya sa akin. 

Mababakas sa kaniyang mukha ang pag-alala.

“Nasaan si Raid? Kumusta siya?” alalang tanong ko.

Hindi ako mapakali sa aking kinaroroonan. Gusto kong tingnan ang kaniyang kondisyon ngayon