Chapter 15: Drink Part 2

“KUNG ganoon, bakit ka umiinom ngayon?”

“Hindi ko rin alam. Naisip ko lang na gusto ko bigla. Pero hindi mo rin naman matatawag na alak itong iniinom ko.” Sinipat ng dalaga ang baso ng pink na inumin saka tumingin kay Lucas. “Hindi naman lasang alak.”

“At least that won’t get you drunk, Thea. Uuwi ka pa kay Raisen. You don’t want to go home to him drunk, do you?”

“I guess,” she shrugged. Katahimikan ulit. Tumungga si Lucas sa kanyang beer.

“So what’s the problem with your friend?”

Dorothea stilled a bit on her seat pero inasahan niya naman na ang tanong na iyon. Kahit pa nga sinabi na niyang ayaw niya itong pag-usapan.

Bumuga siya ng hangin, buong pag-aalinlangan kung sasagutin ba iyon pero kalaunan ay bumuka rin naman ang kanyang mga labi.

“Hindi ko siya kaibigan, Lucas.” Uminom si Dorothea sa inumin. “Hindi ko alam kung anong itatawag ko sa kanya. We’re friends when we were young but things have changed. Ang dami-dami nang nagbago na hindi ko na alam kung ano pang dahilan kung b