CHAPTER 53

CHAPTER 53

CLEMENTINE DESCHAMPS

"Francis, Madame, gising..."

Sabay kaming nagising ni Francis nang marinig ang boses ni Oriel.

"Anong problema?" Tanong ni Francis. "May problema ba kay Maëlle?"

"Walang problema kay Maëlle. 'Wag kayong mag-alala sa kaniya," tugon ni Oriel ngunit halata ang pagkabahala sa mukha. "Ngunit magbihis na kayo."

"Kung gan'on bakit ganiyan ang itsura mo?" Tanong ko. "Anong nangyayari?"

"Si Duchesse Celine..."

___

"Nasaan sila?" Tanong ni Francis kay Oriel habang nagmamadali kaming maglakad sa pasilyo ng palasyo.

"Sa may simbahan, Francis," hinihingal na tugon ni Oriel. "Madali kayo."

"Anong nangyari?" Muling tanong ni Francis. "Sinabihan ko siya na 'wag munang gumawa ng kahit na ano. Makakapaghintay pa ang parusa para kay Charlotte. Bakit niya tinututukan ngayon ng baril si Charlotte?"

"'Di rin namin alam, Francis. Basta't naroon ngayon si Alphonse para pakalmahin ang duchesse at pigilan siyang iputok ang baril."

Nang makarating kami sa simbahan ng palasyo ay n