CHAPTER 4

Nakatanaw si Georgina sa mga ulap sa himpapawid. Ito ang unang pagkakataong nakasakay siya sa eroplano. Isa sana iyong masayang karanasan kung hindi niya lang iisipin ang dahilan ng pagsakay niya sa eroplanong ito patungong Las Vegas.

Flashback…

Abala si Georgina sa pag-aayos ng mga gamit na dadalhin pabalik sa hospital noong magring ang phone niya. Unknown number iyon pero sinagot niya pa rin. 

Nang marinig niya ang boses mula sa kabilang linya ay nais niya sana ibaba ang tawag pero mayroong offer ang babae na hindi niya matanggihan. Ito na siguro ang sagot sa panalangin niya at makakatulong sa kanila ng ina niya. 

Hindi man maganda ang papasukin niya pero pikit mata siyang pumayag roon. It’s a once in a lifetime opportunity.

Nabalik si Georgina sa kasalukuyan noong marinig ang announcement.

“Please fasten your seatbelt and get ready for our landing.”

~~~

Namilog ang mga mata ni Georgina noong makita ang pinasukan nilang hotel. Lobby pa lang ay napakaganda na nito.

Nakabook sila sa iisang suite na may dalawang bedroom. Bukas daw ang kasal nila at mag-stay pa sila roon ng isa pang araw bago umuwi. Grabe ang haba ng byahe totoo pala ang jetlag. Twenty-two hours ang byahe, kahit sabihing naka-business class ay nakakapagod pa rin iyon.

“You may rest the whole day, dadalhin naman dito ang mga meals.” Mariing sabi ni Gregory ang lalaking palakasalan niya.

Noong araw na pinabalik siya ni Miss Beverly ay naroroon na ang lalaking nakasalubong niya noong nagmamadali siyanglumabas ng opisina.

Inilatag rin sa kanya ang magiging bayad. Down payment after the wedding is five hundred thousand. Fifty thousand monthly, at another five hundred thousand after the divorce. Saan siya makakakuha ng ganoong offer?

Kaya noong araw na iyon ay tinanggap niya ang deal at nagpirmahan sila ng kontrata.

Napakabilis rin napa-asikaso ni Gregory ang mga papeles niya. In a week lang ay nakumpleto ang mga dokumento niya at nakalipad siya papuntang Vegas kasama ito.

Doon niya napagtanto na pera ang nagpapatakbo ng mundo, at kayang kaya manipulahin ng mga mayayaman ang buhay nila at buhay ng mga taong nangangailangan.

~~~

Today is the day of the wedding in Vegas. Gregory made sure that he prepared everything to bring his contract wife to Las Vegas and get married. He used all his connections just to do all the necessary things needed. Beverly also prepared their wedding in Vegas.

In thirty minutes, they are signing their second contract. The Marriage contract. 

Hindi kailanman sumagi sa isip ni Georgina na sa edad niyang 25 ay makakarating siya ng Las Vegas at para magkaroon ng contract marriage at ikasal sa isang estranghero.

Matapos ang kasal ay nagpakuha ang bagong kasal ng mga litrato para sa katunayan ng kanilang kasal. Kumain sila at pagkatapos ay bumalik sila sa hotel.

Binigyan ni Gregory si Georgina ng mga importanteng mga bagay na dapat malaman ni Georgina tungkol sa asawa. Gumawa rin sila ng kuwento sa kung papaano sila nagkakilala.

Ang nabuong kuwento ni Gregory ay, nagkakilala sila sa isa sa mga resorts nito, at nagkagusto agad kay Georgina si Gregory. He pursued her because he realized that she’s the one. Ipalalabas nilang may anim na buwan na ring sila magkasintahan bago nagpakasal.

~~~

“We are now landing at Manila International Airport.”

Huminga ng malalim si Georgina at inisip na ito na ang umpisa ng kaniyang trabaho.

“Gregory.” Tawag niya sa lalaki bago sila bumaba ng eroplano, maaari ko bang bisitahin saglit ang Mama ko at makapagpaalam ako na hindi makakauwi ng madalas dahil sa trabaho?” Tanong ni Georgina sa lalaki.

“Greg, call me Greg. We will drop you by at the hospital then my driver will pick you up if you are done.” Malamig na sagot ng lalaki.

“Okay. Thank you.” Tipid na sagot ni Georgina.

“By the way, I already sent the partial payment in your account.” Dagdag pa ni Gregory.

“Salamat.” 

~~~

Magaling na ang Mama ni Georgina at kailangan na lang ng kaunting therapy para maayos ng kaniyang paglakad, medyo ngiwi rin kasi ang mukha nito dulot ng mild stroke. Nasettle niya na ang dalawang linggong bill ng ina sa hospital. 

Pinakiusap niya muna sa malapit na pinsan ang pangangalaga sa ina habang siya ay nagtatrabaho sa malayo. Gumawa na lamang siya ng kuwento para hindi makahalata ang mga ito.

Matapos maiuwi ang Mama niya sa bahay nila ay nagpaalam na siya pati sa pinsang si Mary na siyang titingin sa kaniyang ina.

“Salamat, Mary, ha? May kalayuan kasi ang trabaho ko kaya hindi ako araw araw na makakauwi. Pero siskapin ko ang madalaw si Mama. Pasuyo na lang din ng mga therapy sessions ni Mama.” Madamdaming pakiusap ni Georgina sa pinsan.

Mabuti na lang at kahit papaano ay may maasahan siyang pinsan. Labag man sa loob niya ang iwan ang ina sa ganitong sitwasyon pero para rin ito sa kapakanan nito.

Bago pa man magbago ang isip niya at tumakbo sa responsibilidad na napasukan niya ay kinontak na niya ang driver ni Greg. Pinili niya na magpapasundo sa isang mall na malapit sa kanilang bahay, ayaw niya kasing gumawa ng eksena sa lugar nila at may makakita pang kapitbahay.

~~~

Napakalaki ng bahay ni Gregory. Wala pa sa kalingkingan ng inuupahan nilang apartment. Sa bawat sulok noon ay parang lalaglah ang panga nii Goergina sa sobrang garbo ng mga kagamitan at estraktura roon.

Hindi basta basta ang lalaking pinakasalan niya. Sino ba naman ang susugal ng ganoong kalaking pera para lang mag-hire ng fake wife?

Lumipas ang mga araw, sa umpisa ay naninibago siya sa lugar pero unti unti ring nasanay dahil hindi na rin umuwi sa bahay na iyon si Gregory mula noong maghiwalay sila sa airport.

Gusto man niyang kuwestyunin pero wala naman siyang karapatan. Kontrata at binayaran lamang siya para maikasal rito.

Kaya laking gulat ni Georgina na isang araw ay umuwi ito. 

“Wear this,” utos nito na may inilapag na malaking paper bag ng isang kilalang luxury brand ng damit at sapatos. “We’ll meet my family tonight.”

Dahil alam niyang tungkulin niya iyon ay nagmadali siyang bumalik sa kwarto niya at isinuot ang dala nitong damit.

Isang spaghetti strap champagne satin dress na hanggang tuhod at may malaking slit mula sa kalahati ng kanyang hita ang damit na dala ni Gregory. Saktong sakto iyon sa balingkinitan niyang katawan. May kasama iyong isang makinang na two inch stilettos. Mayroon rin ring hikaw na perlas.

Inilugay niya ang kanyang hanggang baywang at itim na itim na buhok.

Naglagay siya ng light na make-up. Noong nakaraang araw lang ay may mga pinadalang make up at ilang mga mamahaling damit si Gregory.

Nakatalikod habang may kausap si Gregory sa phone noong pababa ng hagdan si Georgina. Bigla itong umikot at napatingala sa babaeng pababa ng hagdan. Nag-iba ang ekspresyon ng mukha nito pero agad rin iyong bumalik sa pagiging seryoso.

Hindi sigurado si Georgina kung ano ang tinging ipinukol sa kanya kani-kanina lang ng asawa. Paghanga ba iyon o ano? Nagkibit balikat na lang si Georgina at nagpatuloy sa pagbaba sa hagdan. 

“I guess you’re ready. Let’s go.” Humugot ng isang malalim na hininga sumunod.