CHAPTER 5

Habang lulan ng sasakyan ay tahimik pareho si Gregory at Georgina. Sa isip ni Georgina ay nirerebisa niya ang mga bagay na sinabi ng lalaki tungkol dito at sa kung paano silang nagkakilala, at nahulog sa isa’t isa.

Maging tungkol sa ilan sa pinaka-importanteng detalye sa pamilya nito. 

Palihim na sumulyap si Georgina sa katabing si Gregory. As usual. He is serious and expressionless. Parang hindi pa niya nakitang ni minsan na ngumiti ito. 

Sobra sobra siguro ang dedikasyon nito sa trabaho na handa siyang magbayad ng malaki para lang magkaroon ng hired wife at maging CEO. Pero bakit nga ba hindi na lang ito kumuha ng babaeng mahal nito at siyang pinakawalan. Wala bang babaeng may gusto sa kanya kaya hi-nire niya ako? 

Medyo nakakaduda. Sa kisig at yaman nito, paniguradong pinag-aagawan ito ng kung sino-sinong babae. 

Nawala si Georgina sa malalim na pag-iisip noong mapansin ang pagpasok sa malaking gate.

Isang magarbong mansyon ang pinasukan ng sasakyan. Maraming mga sasakyan rin ang nasa malawak na parking space ng lugar. Nang buksan ng driver ang pintuan ni Gregory ay maririnig ang malakas na tugtugan. Pinagbukas naman siya ng pinto ni Gregory at inalalayan sa pagbaba.

“Let’s get inside, relax and don’t forget to give them a good impression.” Bulong ni Gregory sa tainga ni Georgina, na nagdulot ng boltaheng kilabot sa huli.

Marami ang bumati kay Gregory sa pagpasok nila. Ang buong pag-aakala ng lahat ay girlfriend lang ng lalaki ang kasamang babae. 

Makikita ang interes sa mga taong naroroon dahil sa pag-aakala ng lahat na kasintahan siya ni Gregory. Kung alam lang nila na higit pa roon ang label nila kahit hindi iyon totoo.

Alam ni Gregory na sa mga oras na iyon ay nasa kanya ang atensyon ng mga bisita ng kanyang ama. Palibhasa ay ngayon lang siya nagsama ng babae sa ganitong gathering. Paniguradong kaduda-duda iyon sa lahat.

Pansin agad ni Gregory ang tinging ipinukol sa kanila ng kanyang Uncle, ang nakababatang kapatid ng kanyang ama. At umaasa na maging CEO ng kumpanya kung sakaling papalya siya. Napangiti si Gregory sa naisip. 

He’s already married. Wala na itong grounds para hanapan siya ng butas para maging CEO. He already made his part of the bargain. Kailangan niya na lang itong i-announce upang malaman ng pamilya niya.

Dahil nga sa ngayon lang siya nagdala ng babae sa ganitong selebrasyon. Kaya panigurang samo’t sari ang reaksyon ng lahat.

“Mom, Dad, this is Georgina Mendez.” Pakilala ni Gregory sa asawa. Sinadya niyang huwag sabihin kung ano ang namamagitan sa kanila dahil sa kanyang planong gawin mamaya.

“Gia, this is my Mom, Giselle Salvatorre and my Dad Romeo Salvatorre.

“Hello, hija. Are you somehow related to Mendez’ Food corporation?” Natigilan si Georgina sa tanong na iyon ng ama ni Gregory. Hindi niya alam kung anong sasabihin pero nakasagot naman siya

“Hindi po.” Mabilis na sagot ni Georgina. Bigla siyang nahiya.

“Dad…” sinuway ni Gregory ang ama niya.

“I was just wondering, hijo.” Sagot ni Romeo.

“Happy Birthday, Dad!” Ani Gregory na niyakap ang ama.

“Thank you, Greg.” Tugon nito.

“Oh, Greg, I’ve heard you went to US.” ani Giselle.

“Yes, for a business trip and a real quick escape to reality.” Tugon ni Gregory na napangiti. Napakabilis ng impormasyon dumating sa kanyang ina. Pero hindi nito alam ang totoo niyang ginawa roon.

Naagaw ang atensyon ng lahat sa pagtawag ng host sa kanyang ama. Kinantahan ito ng ‘birthday song.’ 

“Good evening, you know that now that I am 60 now, kaya nalalapit na rin ang aking retirement, and soon Salvatorre Hotels and Resorts will be under my one and only son.”

Tinawag isa-isa ang mga malalapit sa ama ni Gregory para magbigay ng mensahe matapos iyon ay tinawag si Gregory. Mabilis na umakyat si gregory sa maliit na entablado.

“Firstly, I would like to wish my Dad a happy birthday. May you enjoy more discounts Dad, kailangan mo pa ba iyon?” Tumawa si Gregory at nagtawanan rin ang lahat.

“Then I would like to introduce my wife to everyone.” Everyone in the party gasps. Especially the parents of Gregory.