Kabanata 05-Her Private Life

Day 0003

"Salamat sa pakain—nabusog ako," tumayo si Cheska saka isinukbit ang tote bag nito sa balikat. Inubos niya muna ang pañamig sa baso saka kumuha ng tisyu—pampahid sa labi niya. "Alis na ako. Salamat ulit." Aniya't kumaway pa siya kay X bago niya ito tinalikuran.

"Sandali lang," napabuga ng hangin sa kawalan si Cheska bago niya ulit lingunin si X.

"Ano na naman 'yun? Alam mo ba na mag aalas-otso na? May klase pa ako't major subject ko ngayon—"

"Ihahatid na kita." Saka tumayo si X pahkatapos niyang magpunas ng bibig.

Naunang naglakad si X, at nang balingan niya si Chesk, naistatwa ito sa kinatatayuan niya. Napasinghap ng hangin si X sabay binalikan si Cheska; hinuli ang pulsuhan, at hinila palabas ng hotel. Doon lang natauhan si Cheska nang kumalansing ang hawak na susi ni X.

"Let me remind you Lady—you're not a Disney Princess. Sakay!"

Tumaas ang gilid ng labi ng Cheska dahilnsa sinabi ni X sa kanya. Nananatiling nakatayo pa rin ito at walang balak na pumasok ng kotse.

"Magco-commute na lang ako—"

"I said, get in. Bungol ka ba?"

"Commute nga!"

"Sakay sabi! O baka gusto mo kaladkarin pa kita diyan sa kinatatayuan mo makapasok ka lang sa loob ng sasakyan?!"

Napayukom ng kamao si Chesk dahil sa pagigung arogante ni X; walang preno ang bunganga kung magsalita.

"Napaka-ungentlemen naman ng lalaking ito. Bakit pa ba ako pumayag sa gusto niya?! Pinagsisisihan ko na tuloy."

"Cheska, pasok. Please?"

Hindi inaasahan ng dalaga na biglang lumambot ang boses ni X. Suminyas ang binata na pumasok na siya; walang tinig o boses, kaya napasakay din si Cheska na walang tinig.

"Saan ka nag-aaral?" Salita ni X habang matulin itong nagmamaneho ng sasakyan niya.

"Lady of Fatima Christian University."

Hindi nagsalita si X. Habang tahimik ang dalaga sa kinauupuan nito, pasimpleng sinisipat ni X si Cheska; mula dulo ng sapatos nito hanggang sa hibla ng buhok ng dalaga. Mayamaya ay may tinawagan si X na hindi naman pinansin ng dalaga.

"This is urgent. I'm on my way." Wika ni X, saka bigla na lang bumilis ang takbo ng kotse dahilan kabahan si Cheska.

"Teka! Hinay-hinay naman! Saka hindi rito ang daan papuntang eskwelahan ko! Hoy, X sandali!"

"Quiet please?"

"Paano ako tatahimik nito kung ibibiglang liko mo na naman ang manibela mo?! Kasasabi ko lang sa iyo, hindi ba? May klase ako alas-otse y medya."

Hindi na nakipagsagutan si X kay Cheska. Basta na lang pinabilis ni X ang sasakyan hanggang sa makarating sila sa lugar na hindi pamilyar kay Cheska. Kabado bente ang dalaga nang lumabas si X ng kotse. Maya ay pumihit sa kabilang pinto si X, at saka pinagbuksan niya ng pintuan si Cheska.

"We have only half-hour. Huwag kang umastang binibini kung kumilos kung ayaw ming mahuli sa klase mo. Now, out!"

"Dinamay mo na naman ako sa kalokohan mo—aray! Sandali, ano ba?!"

Hinila ni X si Cheska papasok sa isang pribadong shop. Natahimik si Cheska nang salubungin sila ng isang babae na nakangiti.

"Lahat na magkasya sa kanya—alam mo na gagawin mo."

"Yes Sir—this way, My Lady."

"Ha? Ako? Bakit—" hindi na nakapagsalita si Cheska nang iginaya na siya ng babae sa isang fitting room. Mayamaya ay nakahilera na sa harapan niya ang mga terno-terno at magagandang damit na lahat ay kasya sa kanya.

"Pumili ka ng isa diyan na susuutin mo ngayon My Lady—"

"Teka! Teka! Sa akin talaga?"

Tumango ang babae. "Hmm... Ang totoo niyan, sa 'yo 'to lahat. Kaya pumili ka ng isang outfit na pwede mong isuot ngayon. Huwag ho kayong mag-alala, bayad na ang mga iyan."

"Ha? Bayad na? E, kararating pa lang namin—"

"Are you done talking? You have only twenty minutes." Biglang salita ni X.

Hindi na pumalag si Cheska. Nakanguso itong pumili ng susuutin niya na nakahanger sa wardrobe. Dahil estudyante siya—simpleng black slock pants, white high heels, at white polo long sleeve ang natipuhan na suutin ng dalaga. Nganit, bago pa nagpalit ng suot, nagpaalam muna si Cheska sa babae kung pwede ba raw siya gumamit ng banyo. Pinahintulutan naman siya ng babae.

Samantala, bumalik ang babae kay Iñigo.

"Nakapili na po siya nang susuutin niya Sir Alcantara."

"Maraming salamat Miss Abrexia, at sorry kung napaaga ang punta ko rito."

Napangiti ang babae. "Walang anuman. Ipapahatid ko na lang ba sa bahay mo ang mga pinamili mo?"

"Yes, please, thanks. May meeting pa kasi ako with my Japanese client sa Batangas—hindi ako makakauwi ng bahay ko mamaya hanggang bukas."

"No problem po Sir Alcantara. By the way, sino siya? Ngayon lang kita nakita na nagdala ng babae rito?"

"She's my... She's my—nothing! Kilala lang. Please, don't let other people knows about her. She's my personal agenda."

"Masusunod po."

"Maraming salamat ulit Miss Abrexia," tumayo si X saka nag-abot ng card nito sa babae. Nang abutin niya iyon, kaagad niya rin pinadulas sa isang maliit na machine, at ibinalik din iyon kaagad kay X.

Mayamaya ay lumabas na si Cheska na suot ang napiling outfit. Napatitig si X sa kanya nang makita ang ayos ng dalaga.

"A-ayos lang ba?" Nahihiyang sabi ni Cheska.

"Hmm... Kung tapos ka na diyan, aalis na tayo; male-late ka na sa klase mo."

Nang napagtanto ni Cheska ang sinabi ni X, dali-dali din siyang kumilos. Napapailing na lang si X nang bumalik si Cheska sa loob ng fitting room. Palihim na ngumiti ang babae. Pagbalik ni Cheska, dali-dali siyang lumapit kay X.

"Let's go. We go ahead."

Nakangiti lang ang babae sa kanilang hanggang sa makalabas ang mga ito. Pagkapasok sa loob ng sasakyan, tahimik ulit si Cheska hanggang sa maihatid siya nito ninX sa labas ng Unibersidad.

"Maraming salamat. Mauuna na ako."

"Anong oras ang uwian mo mamaya?"

"Ha? Bakit?"

"Anong oras ang uwian mo mamaya?"

At sa ganoong paraan sila kung nag-usap na dalawa. Parang nagbabangayan na nag-aasaran, at pahabaan ng pasensya.

"Alas-siete ng gabi—hindi mo na ako kailangan pang sunduin—may trabaho pa ako pagkatapos ng klase ko."

Kumunot ang noo nibX nang binalingan niya si Cheska. Pekeng ngumiti ang dalaga't nagkibit ng balikat.

"Diyan sa may convenient store. Alas-otso hanggang ala-una ng madaling araw. Hindi mo na obligasyon na alalahanin ako—"

"Mag resign ka diyan sa pinapasukan mo."

"Ha? Teka nga lang! Usapan natin walang pakialamanan ng pribadong buhay, 'di ba? Asawa lang kita sa papel—ganun ka rin sa akin. Itong pag-aaral ko sa kaliheyo, pagtatrabaho ko—wala ka nang pakialam diyan. Non of your business Mister X. So, please lang, stay away from my private life!"

Napabuga ng hangin sa kawalan si X nang buksan niya ang salamin ng bintana. Iginala niya ang paningin sa lugar. Nang makalanghap na ng hangin saka niya naman isinarado ang bintana sabay baling kau Cheska na namumula sa galit.

"Okay!" Tipid na sagot ni X.

Napayukom ng kamao si Cheska; akma na siyang lalabas nang magsalita ulit si X.

"Saan malapit 'yang convenient store na iyan?"

Ayaw pa sanang sagutin ni Cheska ang tanong. Subalit, bagaman para na lang talaga matahimik at makaalis ay sinagot niya na lang ito.

"Nakita mo 'yang store sa magkabilaang tawiran? Diyan. Okay na? Makalayas na nga!"

Hindi nagsalita si X; hinayaan niyang makaalis ang dalaga. Dumiretso naman si X sa convenient store na sinabi ni Cheska sa kanya. Nang makita niya ang lugar, kaagad siyang lumabas, at saka pumasok sa 24/7 na convenient store. Hinanap ang may-ari ng nasabing store, at saka kinausap.