CHAPTER 11

Emerald's POV

Weekend na ngayon ngunit maaga akong nagising. Actually, hindi ako nakatulog ng maayos dahil sa mga nangyari. Hindi pa rin ako makapaniwala sa mga sinabi ni Papa sa akin kagabi. Hindi ko akalain na mabibilog nina Tita Haidee at Brenna ang ulo ko. Pero nangyari na ang lahat. Sa ngayon, hindi ko pa alam ang gagawin.

"Emerald, hija."

Napatingin ako sa may pinto ng kwarto ko. Nandoon si Nanay Linda at kumakatok. Kaya bumangon na ako at pinagbuksan siya ng pinto.

"Nay."

"Nagising ba kita? Nabalitaan ko kasi ang nngyari kay Marco. At papunta doon ang Papa at Tita mo, baka kako sasama ka sa kanila," mahinahon niyang sabi sa akin.

Mapait akong napangiti. Alam kasi ni Nanay Linda na kahit galit ako kay Marco, mas mangingibabaw pa rin sa akin ang pag-aalala sa kaniya.

"Si Brenna po?" pag-iiba ko ng tanong.

"Maagang umalis din. Bihis na bihis nga e. Baka may date," sagot naman sa akin ni Nanay Linda.

Naikuyom ko na lamang ang mga kamao ko. Isa lang naman ang alam kong tinatrabaho n