Kabanata 3 - taking you somewhere

"Tingin mo ba napakabigat ng dahilan ko para pumayag sa gusto mong kapalit sa pagtulong sakin?" iritableng tugon ng dalaga kay Trevor. 

Napangisi lamang si Trevor sa kanya at tumugon, "pwes, kung hindi mabigat ang dahilan mo para magtago sa tatay mo, bakit kaya ganun na lamang ang takbo mo nun kahit na hindi ka pa nakabihis? Para tumakbo kang baliw sa gitna ng kalsada na nakapaa? It's not my business to know, hindi na lang kita tutulungan." Tumabi si Trevor sa pagkakaharang kay Samantha at doon lamang niya naisip na kapag hindi siya tinulungan ng binata ay tuluyan na siyang matatali sa isang bulag na nais ipakasal sa kanya ng ama kaya naman kinapitan niya ang laylayan ng kamisetang suot ng binata.

"S--sige na, I am willing to gamble with you. Just help me out," mahina niyang pakiusap sa binata ngunit huli na para maitago pa siya ng binata dahil nakita na siya ng ama.

"Samantha..." tawag nito sa kanya.

"Oh no, he's coming," hindi malaman ni Samantha kung sa paanong paraan na siya tutulungan ng binata gayong nakita na siya ng ama at hindi niya alam kung tatakbo na lang ba siya para makaiwas sa ama.

Hinawakan ni Trevor ang nanginginig na kamay ng dalaga at patagong may sinuot ang isang bagay sa daliri niya, "what are you doing? My dad is coming," natataranta niyang sabi dito.

Agad namang humarap ang binata ng may ngiti sa mga labi at hinawakan ang kamay niya ng mahigpit na para bang nagsasabing wag kang matakot, nandito ako sa tabi mo.

"Samantha! Where have you been? Matagal ka ng hinahanap ng ninong mo, he can't wait na ikasal ka sa nag-iisa niyang anak," istriktong saad ng ama.

"I'm sorry, tito... Dad, I am Trevor Devin, her husband," maiksi niyang tugon na nagpatahimik sa ama ng dalaga, nagpabalik-balik ang tingin ng ama nito sa anak niya at sa lalaking kaharap niya.

"P--paano? bakit hindi ko man lamang ito nalaman?" hindi pa rin makapaniwala ang ama ni Samantha. "Paano ko ito ipapaliwanag sa kumpare ko?"

"I'm really sorry, tito. Dahil sa sobrang ayaw na ng anak niyong mapahiwalay sakin ay sekreto na kaming nagpakasal noong araw mismo na tumakas siya sa inyo," nakangisi niyang tugon habang ang dalaga ay hindi makatingin sa ama dahil sa kahihiyang rason na binigay ng binata, kinapitan niyang mabuti ang kamay ng lalaki na halos tumusok na ang kanyang mga maiiksing kuko sa balat nito.

"D--ad. Sabihin mo na lang sa kanya na kasal na ako at isa pa, hindi ka ba natutuwa para sakin dahil mukhang maayos naman ang manugang mo. I mean matino naman ang asawa ko unlike sa... alam mo na ibig kong sabihin," mahabang paliwanag ni Samantha sa ama.

"Pero anak," dismayado pa rin si Gustavo sa biglaang desisyon ng anak.

"Wala ng pero, pa. I'm married and ang pangako sa harap ng Diyos ay hindi natin basta pwedeng baliin," mariing sambit ni Samantha.

"Isa pa, dad, nagmamahalan po kami ng anak niyo. Mahal na mahal ko siya at hindi ko alam ang gagawin ko kung wala siya," seryosong saad niya, nawala ang mahigpit na pagkakahawak ni Samantha sa kamay ng binata.

"May asawa na pala si Captain," mahina at dismayadong bulong ng isang babaeng sundalong palabas sana ng ward, muli siyang pumasok sa loob at naupo ng tahimik sa gilid ng kama.

"Valenzuela, akala ko ba ay nariyan na si Capt. Devin? Bakit bumalik kang malungkot?" tanong ng isa sa mga kasamahan niya, lahat ay nakatingin sa naluluha niyang itsura.

Si Ryzza Valenzuela ay bagong pasok lamang sa serbisyo na may pinakamababang ranggo, simula ng makita niya si Trevor ay nagkaron na siya ng pagtatangi sa binata at gumagawa siya palagi ng paraan makausap lamang ito at pinangarap rin niyang maging nobyo ang binata.

"Oo, nariyan na nga siya. Kasama niya ang kanyang misis na si doktora," malungkot niyang tugon sa tanong nila.

Samantala, kumbinsido na si Gustavo sa napili ng anak at hinayaan na ang kanyang anak na magtrabaho sa ospital, mabilis na tinanggal ni Samantha ang pagkakaakbay ng binata sa kanyang balikat. Labis ang pamumula ng pisngi niya ng mga sandaling iyon, "let's stop pretending, ito na ang singsing mo," ibinalik niya ang singsing sa binata ngunit hindi niya ito tinanggap.

"Just keep it," nakapamulsa niyang sabi, "hihintayin kita sa labas," dagdag nito sa kanya.

Nanlaki ang mga singkit na mata ni Samantha, "bakit mo ako hihintayin? Ano pang kailangan mo sakin?" Nakanguso niyang tanong pabalik kay Trevor.

"Mukhang nakakalimot ka sa kasunduan natin, basta hihintayin kita sa labas," kalmadong tumalikod ang binata at naglakad palayo habang naiwang nakatanga si Samantha at pinapanood siyang umalis.

Samantala, anim na oras nang naghihintay ang binata sa labas ng ospital ngunit hindi pa rin lumalabas ang dalaga, "mukhang naloko yata ako," bulong niya sa sarili, hindi pa rin naaalis ang tingin niya sa exit ng ospital.

"Hindi pa ba tayo aalis, kapitan?" tanong ng pinakabatang sundalo sa grupo na si Allan Borja, "sandali, may hinihintay pa ako," tugon niya, nakapako pa rin ang paningin sa pinto ng ospital.

"Ngunit anim na oras na tayong naghihintay dito sa labas, pinababalik na rin tayo sa campo," saad ng binata.

"Sandali," muli niyang tugon at agad tumakbo sa kinaroroonan ng kalalabas lamang na doktor na si Samantha habang ang lahat ay nakatingin sa kanila.

"Siya na nga ba ang misis ni Captain Devin?" tanong ng isa habang nakatingin sa dalawa.

"Bakit nandito ka pa rin?" Naghihikab na tanong ng dalaga.

"Sumama ka sakin," bumilis ang tibok ng puso niya ng hawakan siya ng binata sa kamay at hinila.

"Saan tayo pupunta?" tanong niya.

"Malalaman mo pagdating natin doon," misteryosong tugon ng binata habang hila-hila siya patungo sa 6x6 armor vehicle ngunit nagpumiglas si Samantha.

"What are you trying to do? Are you abducting me?" reklamo niya.

"Pwede bang huwag mo akong ipahiya? Everyone are watching us," ang tinutukoy niya ay mga kasamahan niyang nasa loob ng sasakyan na nakatingin sa kanila.

Hinila ni Samantha ang kanyang kamay at naghalukipkip, nakatingin ng diretso ang mga mata niya sa binata, "so, saan mo nga ako dadalhin?"

"I'm taking you somewhere para makakuha tayo ng certificate of marriage."

Nanlaki ang mga mata niya sa tugon ng binata, tila nabuwal ang kanyang tuhod at napaatras, kumabog ng napakalakas ang kanyang dibdib, "ano itong pinasok ko?"