CHAPTER 5

Samantala, nakaupo si Mayumi sa kama ng ospital. Kakababa niya lang ng telepono, tinawagan niya ang kanyang abogado para sa proseso ng divorce.

Maya-maya ay nakita niyang muling nabuhay ang kanyang cellphone. Ang pangalan ni Xavier ang nasa screen. Naningas siya nang tumatawag ang asawa.

Buo na sana siyang harapin ang buhay mag-isa… pero bakit tila nag-aalinlangan na naman siya nang makitang tinatawagan siya ni Xavier?

*****

Habang hinihintay na sagutin ni Mayumi ang tawag ni Xavier ay naguguluhan siya sa kanyang sarili. Sa tuwing bumabalik si Ysabel sa Maynila ay nakatuon ang oras niya sa dalaga, ni minsan ay hindi sumagi sa isip niya si Mayumi. Pero bakit niya ito tinatawagan ngayon? Nag-aalala din ba siya sa asawa?

Naiinis siya. Isa na naman ba ito sa pakulo ni Mayumi? Magpe-play victim kunwari para makuha ang atensyon niya?

Akmang papatayin niya ang telepono nang sagutin ni Mayumi sa kabilang linya. Huli na para i-cancel pa iyon.

“Nasaan ka?” walang emosyong tanong niya.

“Nasa ospital,” wala ring emosyong sagot ni Mayumi.

Tumawa siya na may halong panunuya. Matatag ang boses ng asawa, hindi gaya ng isang taong kakaligtas lang sa malubhang car accident.

“Kumusta ang lagay mo?” tanong niya muli, walang emosyon.

Sandaling tumigil si Mayumi sa kabilang linya. Tinatanong ba siya ni Xavier kung kumusta siya dahil nag-aalala ito? Never pa itong tumawag sa kanya para tanungin kung kumusta siya.

Wala sa sariling hinimas niya ang kanyang tiyan. Posible kayang may pakialam din si Xavier sa kanya kahit konti?

Klinaro niya ang lalamunan bago nagsalita. “I’m okay now, but…” Napaisip siya kung sasabihin ba niya ang tungkol sa nawala nilang anak.

Bago pa man siya makapagsalita muli ay nagsalita si Xavier sa kabilang linya. “If it’s nothing serious, umuwi ka na.”

Hindi siya nakapagsalita.

“Naaksidente si Ysabel. Sabi ng doktor mahina ang katawan niya at kailangan ng tamang nutrisyon. Pag-uwi mo, magluto ka ng mainit na sabaw na mahihigop ni Ysabel. Mahalaga iyon para sa paggaling niya,” patuloy ni Xavier.

Nang marinig ni Mayumi ang mga salitang iyon, agad na naglaho ang anumang pag-asa na naramdaman niya kanina. Para siyang binuhusan ng malamig na tubig.

Bakit pa kasi siya umaasa? Naalala niya noon kung paano lunurin ni Xavier ang sarili nito sa alak. Hindi niya kayang panoorin itong sinisira ang kalusugan kaya naisipan niyang mag-enroll sa cooking class. Wala siyang interes sa kusina, pero dahil kailangan iyon ni Xavier ay tiniis niya. Pinag-aralan niya kung paano magluto ng masasarap na pagkain para kay Xavier.

Ngunit hindi rin niya inakalang uutusan siya nitong magluto para sa ibang tao… at para kay Ysabel!

Ngumiti siya nang pait. Napakaraming taon ang sinayang niya sa kasal na iyon nila ni Xavier. Napakalupit ng tadhana sa kanya. Kapag nalalaman ni Xavier na may sakit si Ysabel sa ibang bansa ay nagkukumahog itong puntahan ang dalaga kahit pa isa lang iyong sipon.

Pero siya, ito muntik nang mamatay pero wala man lang simpatya si Xavier sa kanya.

“Mag-hire ka na lang ng magluluto para sa kanya.” walang emosyon niyang sagot.

“Pero mapili si Ysabel sa pagkain!”

“Xavier, asawa mo ako at hindi katulong!” hindi na niya napigilang sumagot.

“What do you mean?”

“You heard me, Xavier. Hindi ako magluluto para sa kanya!”

Natigilan si Xavier sa kabilang linya. Ito ang unang pagkakataon na sinalungat ni Mayumi ang gusto niya.

“Mayumi, are you jealous again for no reason? Ysabel has no one else in this world but me. If I don’t look after her, she’ll have no one at all! And don’t forget… if you hadn’t forced this marriage, the woman bearing the name Mrs. Valerio today would have been her!”

Muli na naman siyang natigilan. Para na naman siyang binagsakan ng langit at lupa. Paulit-ulit iyong ipinapaalala ni Xavier sa kanya. At sa tuwing sinasabi nito iyon ay wala siyang maisagot.

Noong mga nakaraang taon, nagkaroon ng kidney failure ang ama ni Xavier at kinailangan ng transplant. Bihira ang blood type nito, at ang nag-iisang tugma ay ang ina niya. But the surgery failed. Her mother nearly died… and in the end, she did.

Bago ito mamatay, gumawa ito ng public request sa harap ng media… na pakasalan siya ni Xavier Luis Valerio.

But at that time, Xavier was already in love with Ysabel Cortez.

Dahil sa kahihiyan at pressure ay sapilitang pinaghiwalay ng mga Valerio si Xavier at Ysabel at inayos ang engagement nila. Dahil sa pagkabigo ay umalis si Ysabel ng bansa.

Ngunit hindi pa roon nagtapos ang bangungot… nang ayusin ng pamilya ni Xavier ang mga papeles ng kanyang ina ay napag-alamang may cancer ito. Alam ng ina niya na hindi na ito magtatagal at sadyang plinano nitong ipakasal siya kay Xavier bago pa ito mawala.

She became the target of harsh criticism, lahat ay siya ang sinisisi.  Maraming beses niyang sinubukang tumakas at tumangging magpakasal. Ngunit sa huli… hindi niya kinaya.

Kung tatanggi siya, mawawalan ng saysay ang pagkamatay ng kanyang ina… kaya tiniis niya.

Paulit-ulit, sinabi niya sa sarili na magtiis. Pero ngayon, wala nang natitirang dahilan para magtiis.

Kung buhay pa ang kanyang ina at makikita siya sa kalagayan niya, siguradong magsisisi ito sa ginawang pamimilit na ipakasal siya kay Xavier.

“Ibabalik ko na sa kanya ang pagiging Mrs. Valerio.” kalmado ang boses niyang sabi kay Xavier habang mahigpit na hawak ang divorce papers.

“Xavier.... I want a divorce!”